Eiríkur Bergmann: Svona gerir maður ekki

Eíríkur Bergmann er helsti stuðningsmaður aðildar íslendinga að ESB. Hann er helsti talsmaður Samfylkingarinnar í þeim málum. Hann er gjarnan tilkallaður þegar ræða á slík mál í fjölmiðlum. Hann er líka dósent við háskólann á Bifröst með hinn glæsilega titil "forstöðumaður Evrópufræðaseturs" ef ég man þetta rétt.

Hann vill láta taka sig alvarlega og er ábúðarmikill í umræðu sinni öllu jöfnu.

Þar sem hann lokar á athugasemdir á blogginu sínu þá verð ég víst að koma því á framfæri sjálfur að mér finnst hann smekklaus að uppnefna pólitíska andstæðinga sína á bloggsíðunni. Ég ætla ekki einu sinni að gera honum það til geðs að hafa það eftir honum. Eigi þetta að vera spaug þá er það misheppnað sem slíkt.

Ég var farinn að búa mig undir hugsanlega málefnalega rökræðu við hann um Evrópumál en veit ekki hvort hann sé manni samboðinn ef hann uppnefnir þá sem honum eru ekki sammála. Hann gæti til að mynda líkt mér við Hitler ef því er að skipta og það myndi mér bara hreint ekkert líka! 

Athugasemdir

[Georg Eiður Arnarson, 16.3.2007 kl. 08:48]

Það hljóta flestir að gera sér grein fyrir því að ESB aðild er ekki kostningamál í vor.

[Haukur Nikulásson, 16.3.2007 kl. 08:50]

Ég geri mér grein fyrir því Georg. Það er samt í lagi að ræða málið. Þetta verður líkast til kosningamál í þarnæstu kosningum.

[Georg Eiður Arnarson, 16.3.2007 kl. 09:20]

Reinsla sjómanna í löndum sem gengið hafa í ESB er slík að í mínum huga kemur aðild ekki til greina.Enn það er að skálfsögðu bara mín skoðun.

[Haukur Nikulásson, 16.3.2007 kl. 09:58]

Georg, ég er sammála þér um það. Þú getur séð um það nokkrar greinar hér á þessari bloggsíðu. Ennfremur lét ég mig hafa langar rökræður á bloggsíðu varaformanns Samfylkingarinnar.

[Guðmundur Jónas Kristjánsson, 16.3.2007 kl. 10:07]

Merkilegt með þessa vinstrimenn. Sóley Tómasdóttir Vinstri-græn setti Hjört J Guðmundsson sérstaklega í athugasemdaban nýverið  og Eirikur Bergmenn setur alla í athugasemdabann. Steingrímur J boðar svo ristskoðun á netinu.
Tilviljun?

[Birgir Guðjónsson, 17.3.2007 kl. 13:46]

Bloggið er góð leið til skoðanaskipta og því tel ég að bloggarar verði að leyfa athugasemdir og síðan svara þeim. Því miður eru nokkuð margir sem svara aldrei athugasemdum og þar af leiðandi eru samskiptin ekki gagnvirk. Nú það ættu að vera sjálfsögð kurteisi að svara öllum ef athugasemd þín er málefnaleg. Ég segi fyrir sjálfan mig, þá hef ég engan sérstakan áhuga á að lesa blog sem er einstefna að því leytinu að gagnrýni er ekki leyfð.