Ráðaleysi til endurreisnar kaffært í ESB aðildarkjaftæði

Ég hitti varla nokkurn kjaft sem ekki er bálreiður yfir ráðaleysi þeirra þriggja ríkisstjórna sem hér hafa setið eftir hrunið. Ekkert af þessu liði er að þjást með hinum almenna launamanni og hafa verið alltof lengi áskrifendur að mannsæmandi launum sem þingmenn og ráðherrar.

Sammerkt með þeim öllum er að horfa til falsaðra og gamalla meðaltala úr hagtölum sem segja nákvæmlega enga sögu um raunverulega stöðu venjulegs fólks sem þúsundum saman íhugar að yfirgefa landið og leita á vit annarra tækifæra. Fyrr frýs í helvíti en að hægt verði að gera upp Icesave dæmið byggt á þjóðarframleiðslu.

Það er meira en lítil alvarleg villuhugsun í þessu. Þjóðarframleiðsla undanfarinna ára innihélt allar biluðu lántökurnar á árum áður og því mun þjóðarframleiðsla hrynja í tölur sem við eigum enn eftir að býsnast yfir.

Ísland var aldrei rík þjóð - Það er stóra lygin - HÚN SKULDAÐI ÞETTA ALLT!

Af þessum sökum er yfirlýsing um þjóðargjaldþrot orðin með betri kostum í stöðunni. Þó að það þýði að við fáum ekki lán, verðum að hluta útskúfuð, töpum einhverjum eignum erlendis og þurfum að stunda sjálfsþurftarbúskap, þá hef ég meiri trú á því að vinna okkur upp úr því heldur en borðlagðri a.m.k. 20 ára fátækt.

Þetta virðist nú vera eina færa leiðin til að gera eitthvað sem er nógu risavaxin aðgerð í sjálfu sér til að losna frá risavöxnu hruni. Hún myndi a.m.k. tryggja að við hefðum yfirráð yfir auðlindunum því það er ekki hægt að taka þær upp í skuldir.

ESB umræðan mun drepa öllu á dreif næstu árin í aðgerðarleysi ráðalausrar stjórnar. Hjá þeim á ESB aðild að redda öllu. Skemmtilegar ranghugmyndir það!

Styður ESB-umsóknina eindregið

Athugasemdir

[Óskar Þorkelsson, 25.7.2009 kl. 11:28]

helduru ekki Haukur að endurreisn landsins mundi ganga hraðar innan ESB en utan.. með tilliti til allra þeirrs sjóða sem landið fengi aðgang að innan ESB..

[Guðbjörn Guðbjörnsson, 25.7.2009 kl. 11:39]

Haukur:

Þetta er alveg kolröng niðurstaða hjá þér, þótt ég deili skoðun þinni varðandi Icesave samninginn.

Ísland var mjög vel stætt land áður en einkavæðing bankanna kom til á árunum 2002-2003. Við vorum skuldlítil þjóð og með mjög háa þjóðarframleiðslu, sem byggðist á alvöru útflutningi.

Við þurfum ekki að gera annað en að skrúfa allt aftur til ársins 2002 og byrja þar upp á nýtt, reyndar með risastóran skuldabagga.

Lausnin felst síðan einmitt í að notfæra okkur auðlindir landsins betur, halda í okkar blandaða markaðshagkerfi og með því að ganga í ESB og taka upp evru, en forðast sósíaldemókratíuna og velferðarkerfi Norðurlandanna eins og við getum. 

[Eyjólfur Sturlaugsson, 25.7.2009 kl. 13:43]

Ekki veit ég hverja þú ert að hitta og eru allir bálreiðir út í allar ríkisstjórnir.   Ég mæti fólki sem eru fyrir löngu komið yfir reiðina.

 ES

[Ásthildur Cesil Þórðardóttir, 25.7.2009 kl. 17:18]

Allir sem ég hitti eru búnir að fá upp í kok af ráðaleysi undanfarinna ríkisstjórna.  Fólk vill fá svör og hreinsun.  Ekkert er að gerast í því.  En þetta fólk á fullu við að blaðra um ESB.