Alltaf vitað að þeir gátu aldrei endurgreitt, bara gorgeir!

Í miðri kosningabaráttu var íhaldið með þann gorgeir að þetta yrði bara endurgreitt. Þessi loforð voru þvert á alla betri vitund allra þeirra sem starfa í svona flokki. Bláköld lygi.

Þeir mega mín vegna dragnast með þá smán að ætla að halda eftir rúmlega hálfri raunupphæðinni af þessum styrkjum. Raunin er sú að fleiri mál eiga eftir að koma upp á yfirborðið hjá FLokknum og það verður bara viðbót við þetta sem er í raun bara byrjunin á fjármálalegri spillingu þeirra. Enn á eftir að upplýsa hvað fjölmiðlar gáfu þeim eftir af auglýsingakostnaði og öðrum gæðum sem ekki eru reikningsfærð.

Styrkir borgaðir til baka

Athugasemdir

[Ingvar Valgeirsson, 2.6.2009 kl. 16:25]

Mér finnst nú eiginlega enn verra hvað fjölmiðlar hafa alveg látið Samfylkinguna í friði með sínar 37 millur, rúmlega, frá þeim sömu og styrktu Sjallana um 55. Sjallarnir allavega endurgreiða eitthvað, Samfó örugglega aldrei neitt.

[Helga , 2.6.2009 kl. 16:54]

Sammála síðasta ræðumanni....  Samfylkingin mætti taka sér þetta til fyrirmyndar.  Það er ekkert minna "löglegt en siðlaust"  sem þeir þáðu, fra sömu aðilum en höfðu bara vit á að fá það í gegn um fleiri kennitölur!

[Haukur Nikulásson, 2.6.2009 kl. 17:37]

Ingvar og Helga: Munurinn á íhaldinu og samfó er sá að íhaldið gaf út yfirlýsingu um að þeir ætluðu að endurgreiða styrkinn. Það eru þeir að svíkja og heikjast á svo um munar og þeir vissu það allan tímann að þeir gætu ekki gert þetta. Lugu vísvitandi.

Það að pota í Samfylkinguna í þessu sambandi er bara smjörklípa. Mér er það svo sem meinalaust að Samfó fá klípu af því tagi. See if I care!

[Páll Jónsson, 2.6.2009 kl. 17:57]

Svo það er verra að greiða þetta mikið til baka heldur en ekki neitt? Kaus Samfó síðast en þetta er andskotanum virðingarverðara hjá Sjálfstæðisflokknum heldur en þeim, það er engin spurning.