Það þarf aðgerðir núna - ESB umræður gera ekkert nema að tefja

Fólk er að verða bálreitt vegna aðgerðarleysis og gaufs við stjórnarmyndun sem tefst vegna þrefs um ESB málið.

Bankarnir geta núna eftir kosningar farið að handvelja út þá sem þeir setja á hausinn og hverja ekki.

Það ber ekki á því að skilningur sé á því að leiðrétta verði skuldastöðu heimila og fyrirtækja í samræmi við almennt hrun uppskrúfaðra verðmæta.´

Búsáhaldabyltingin er barnaleikur í samanburði við það sem er brátt í uppsiglingu ef sama aðgerðarleysi stjórnvalda heldur áfram.

61,2% vilja aðildarviðræður

Athugasemdir

[Ásthildur Cesil Þórðardóttir, 7.5.2009 kl. 09:21]

Ég óttast einmitt það sama.  Vonandi skilja stjórnvöld að það þarf úrræði strax, en ekki þetta endalausa blaður um ESB.  ég er farin að fá grænar bólur þegar ég sé og heyri samfylkinguna enn einn ganginn hamast á inngöngu og nú segja þeir að það sé vilji þjóðarinnar, ja svei því. 

[Gunnlaugur B Ólafsson, 7.5.2009 kl. 09:36]

Gjaldeyrisvandinn, trúverðugleiki meðal þjóða eru mikilvægir þættir í stöðugleikapakkanum og geta skapað umhverfi fyrir langtímaplön. Gengisvandamál og verðrtrygging eru vanda´mál bundin við íslensku krónuna og þau eru þau brýnu vandamál sem þarf að leysa. Þetta verður því ekki auðveldlega aðskilið, bráðaðgerðir og langtímaaðgerir. Mbk, G

[Ingvar Valgeirsson, 7.5.2009 kl. 10:47]

Mér skilst að gjaldeyrislánið sé að verða búið - fór allt í kaffi fyrir stjórnarmyndunarfundina...

[Haukur Nikulásson, 7.5.2009 kl. 13:59]

Það er í lagi Ingvar ef þetta fór í Bragakaffið að norðan!