Flokkurinn á enga sjóði til að borga þetta út - Hvern á að slá núna?

Þrátt fyrir að stjórnmálaflokkar þessa lands fái hundruð milljóna úr vösum almennings til að viðhalda völdum sínum þá eru þeir allir á hausnum. Sjálfstæðisflokkurinn á engar 55 milljónir í sjóði nema að það sé ríkisframlagið.

Finnst fólki eðlilegt að það haldi áfram að borga flokknum úr sameiginlegum og mjög ört rýrnandi sjóði landsmanna til að halda lífinu í flokki sem er ónýtur á alla lund og ber mesta ábyrgð séríslenska efnahagshruninu?

Það væri löngu búið að draga fram handjárnin í þessu landi ef ekki væri sú grátlega staða að íhaldið hefur ráðið öllu með stöðuveitingar í öllu dómskerfinu, frá götulöggum og upp í hæstaréttardómara. Það verður ekki blakað við neinum frekar enn fyrri daginn. Hversu langt skyldi vera í það að stjórnendur íhaldsins fara að upplýsa þjóðina um það hver þeirra sé spilltastur? Það trúir því enginn, að Geir Haarde hafi einn vitað um þessi óþverramál flokksins.

Búsáhaldabyltingin verður metin sem létt æfing fyrir þann gríðarlega óróa sem nú stefnir í næstu mánuði. Vandræði þessarar þjóðar eru varla byrjuð, trúið mér!

Guðlaugur Þór hafði forgöngu um styrkina

Athugasemdir

[Guðmundur Ásgeirsson, 9.4.2009 kl. 10:12]

Enda er maður ekki búinn að ganga frá pottum og pönnum sem eru ennþá í skottinu á bílnum, tilbúin að hljóma á ný.

[Kolla (IP-tala skráð) 9.4.2009 kl. 12:57]

Sammála Hauki.

Ég líka Guðmundur.

[Ingvar Valgeirsson, 9.4.2009 kl. 22:07]

Mér finnst reyndar ívið meiri hneysa að flokkarnir fái hundruðir milljóna á ári en að einhver hafi gefið þeim fullt af peningum...

[Haukur Nikulásson, 10.4.2009 kl. 00:01]

Ingvar þú hlýtur að skilja samhengi þess að láta stjórnmálaflokks hafa tugi milljóna og að það þurfi að endurgreiða þá upphæð með einhverju öðru. Þú ert ekki fæddur í gær þó að þú sért svolítið yngri en ég!