Siðlaus ákvörðun um leið og labbað er út úr ráðuneytinu

Ég tek afstöðu með því að við eigum að veiða hvali ef okkur sýnist svo.

Ég er hins vegar alveg á móti því að Einar K. Guðfinnsson taki svona stóra ákvörðun "í dyrinni". þetta er dæmigerð hagsmunagæsla fyrir Jón Loftsson, siðlaus síðustu forvöð að gera manninum pólitískan einkavinargreiða.

Næsti sjávarútvegsráðherra á ekki að fá svona teiknibólu í stólinn frá honum. 

Það var ekki eftir neinu að bíða

Athugasemdir

[Magnús Jónsson, 27.1.2009 kl. 19:26]

Haukur: er þessi gjörningur Einars ekki ólöglegur, hefur hann umboð til að taka svona ákvörðun, sem ráðherra í starfsstjórn?, ég held að þessi gjörningur standist ekki og sé í raun ólöglegur?. 

[Haukur Nikulásson, 27.1.2009 kl. 20:16]

Magnús, ég tel að hann hafi fulla heimild til allra ráðherraverka á meðan hann situr í embætti.

Sem sagt: löglegt en siðlaust, eins og Vilmundur heitinn Gylfason hafði sem frægt orðfæri.

[Ólafur Jóhannsson, 27.1.2009 kl. 20:17]

Þetta er vinnan hans, líka þegar hann er í starfstjórn. Á hann bara að sitja með þumalinn í borunni og bíða...?

[Haraldur Haraldsson, 27.1.2009 kl. 21:48]

Við tölum um að V.G. séu á móti öllu/Haukur þú ferð nú að slá þeim við/Kveðja Halli gamli

[Haukur Nikulásson, 27.1.2009 kl. 22:49]

Ólafur: Já og helst ekki taka hann út allan tímann meðan hann situr.

Halli: Ég er ekki á móti hvalveiðum langt í frá. Tel það okkar rétt ef við viljum. Ég er á móti ákvörðunum sem teknar eru á síðustu dögum í hagsmunaskyni fyrir einkavini. 

[Óskar Þorkelsson, 28.1.2009 kl. 12:22]

siðlaust eins og flest það sem frá sjálfstektinni kemur...

[Jón (IP-tala skráð) 28.1.2009 kl. 16:53]

Hvað gerði ekki Björgvin áður en hann hætti, rak hann ekki forstjóra FME. er það ekki stór ákvörðun í "dyrinni"

Eða er það kannski í lagi af því það var það sem allir vildu.

Nei kæri frændi það var nákvæmlega ekkert að þessum gjörningi, hann er búinn að vera í bígerð lengi eins og fyrri

ákvörðun um hvalveiðar sýna.

Hafðu það gott

Nonni frændi

[Ingvar Valgeirsson, 28.1.2009 kl. 17:07]

Ég hló allsvakalega þegar ég las þessa frétt. Svolítið meira þegar ég las kommentið frá Halla gamla.

En eins og Jón hér að ofan bendir á er þetta ekki svo ólíkt aðgerð Björgvins. Brosti yfir þeirri samlíkingu líka.

Sem er gott - ég er ekki viss um að það verði margar ástæður til að gleðjast á næstunni.

[Haukur Nikulásson, 28.1.2009 kl. 18:36]

Á einhvern undarlegan hátt eru allir sem hér þrasa að hafa rétt fyrir sér í málinu. Eiginlega bara skemmtilegt og fyndið.

Ingvar má alveg vita að Nonni frændi er líka frændi sjávarútvegsráðherrans og sonur og bróðir duglegra sjómanna. Nonni frændi hefur líka gaman að því að pota skoðunum sínum í mig. Hann langar að verða nöldurbloggari eins og frændinn en þorir ekki af ótta við refsiaðgerðir, gerist hann of málglaður Hann getur nefnilega rifið kjaft á við hvern sem er!

Sömuleiðs frændi hafðu það gott!