Mogganum alls ekki sjálfrátt með dálæti sitt á Birni

Það er alveg sama hvað út úr Birni kemur, allt skal þetta vera fréttatilefni hjá Morgunblaðinu eins og um stórfréttir sé að ræða. Maður fær á tilfinninguna að alla hugdettur hans séu efni í frétt hjá mbl.is

Ég held að það sé orðið tímabært að minna blaðamenn og ritstjóra á það að þetta er orðinn ríkisfjölmiðill og í aðdraganda kosninga beri þessum miðli að gæta einhvers meðalhófs.

Þær eru orðnar hreint og klárt pirrandi þessar endalausu tilvitnanir í Björn.  Mogginn á ekkert eftir nema að biðja Björn um að blogga um draumana sína svo ómerkileg eru þessi fréttatilefni.

Björn: Forsetinn gekk á svig við hlutleysi sitt

Athugasemdir

[hilmar jónsson, 26.1.2009 kl. 23:13]

Er ekki viss um að ég vilji heyra um drauma Björns. Finnst hann nógu súrealískur í vöku.

[Ásthildur Cesil Þórðardóttir, 27.1.2009 kl. 15:03]

Sama segi ég ekki blauta herdrauma Björns fyrir mig takk!

[Kristján P. Gudmundsson, 27.1.2009 kl. 18:01]

Haukur, mikið ert þú bitur maður. Hvað hefur Björn Bjarnason eiginlega gert þér og fleiri vinstri mönnum ? Er þetta ekki einum of persónulegt, ég bara spyr ?

Með kveðju frá Siglufirði, KPG.

[Haukur Nikulásson, 27.1.2009 kl. 18:41]

Kristján, ég er hvorki bitur né vinstri maður. Björn er ekki aðalmálið heldur lúðrarnir hans á Mogganum. Björn prumpar ekki öðruvísi en að það sé frétt á Mogganum.

Ég vann fyrir og kaus íhaldið alla mína tíð fram að síðustu kosningum. Björn og forysta íhaldsins sem handhafar forsetavalds beittu þá brögðum til að koma dæmdum þjófi á þing og þá fékk ég beina staðfestu á því að forysta flokksins vílaði ekki fyrir sér að setja óheiðarlegt fólk sem fulltrúa mína á Alþingi. Þetta þótti mér næg ástæða til að meta sem svo að forystan væri óheiðarleg með þessum gjörning þ.m.t. Björn.

[Ingvar Valgeirsson, 28.1.2009 kl. 22:27]

Björn, eins og hann er samt... ja... öðruvísi, hefur gert helling af góðum hlutum. Félagi minn í löggunni, sem í eina tíð var margar sjómílur til vinstri, dásamar Björn í bak og fyrir um leið og hann talar um hversu flokkurinn hans sé ógeðfelldur.

En hann er ekki eini ráðherrann sem kemst í fréttirnar í hvert sinn sem hann opnar munninn eða bloggar. Þessi skrif hans finnst mér reyndar fréttaefni í sjálfu sér, þó svo lög og sagnfróðum mönnum beri ekki saman um hvort hann hafi rétt fyrir sér.