Davíð eins og fíll í glervörubúð

Hvert klúðrið úr Seðlabankanum rekur nú annað. Því er haldið fram af Landsbankamönnum að harkaleg og illa grunduð yfirtaka Glitnis hafi sett Landsbankann í óþarfa vandræði vegna þess vantrausts sem hræðsluumræðan skapar. Í framhaldinu fer allt lánstraust bankakerfisins og ríkisins á hliðina í heilu lagi. Er furða að fólki sé ofboðið?

Davíð er eins og fíll í glervörubúð. Hann snýr hausnum til að hagræða smávöru í einu horninu en rekur rassgatið í allar hillur búðarinnar í leiðinni. Hvernig er hægt að sjá þetta með öðrum hætti? 

Seðlabankastjóri: Viðræður standa yfir við Rússa

Athugasemdir

[Hólmdís Hjartardóttir, 7.10.2008 kl. 15:25]

sönn lýsing

[Guðbjörn Guðbjörnsson, 7.10.2008 kl. 15:41]

Ég á nú ekki von á að Seðlabankinn hafi gefið út yfirlýsingu nema í samráði við Rússa.

Hins vegar virðist orðalagið hafa verið óráðlegt og einkennilet ef seðlabankastjóri les fréttartilkynningar ekki áður en þær eru birtar.

[Axel Jóhann Hallgrímsson, 7.10.2008 kl. 16:05]

Sammála þessu Haukur. Guðbjörn, er til staðfest tilvik þar sem Davíð hafði samráð áður en hann opnaði munninn?