Ekki trúverðugar skýringar

Mér finnast einhvern að svona tilkynningar séu út úr korti. Ef ólétta er ástæða fyrir því að hætta samstarfi við Garðar Thor Cortes af hverju lætur hann þá ekki Kiri Te Kanawa róa líka?

Það er heldur ekki haldbær skýring að einhverjum áfanga hafi verið náð með plötu númer tvö (sem er reyndar misheppnuð og flausturslega unnin).

Hafi menn ekki átt skap saman í samstarfinu er líklega best að segja það hreint út frekar en að reyna telja okkur trú um að hinar ástæðurnar séu eitthvað í námunda við sannleikann.

Einar ætti að vera vanari því að setja fram fréttatilkynningar í sambandi við umboðsmennsku sína en svo að hann telji þetta með sínum betri verkum í þeirri deild. 

Einar Bárðarson dregur sig í hlé

Athugasemdir

[Stefán Geirharðs. (IP-tala skráð) 25.7.2008 kl. 23:17]

Af hverju getum við ekki gert ráð fyrir að hann sé að segja satt? Og af hverju ættum við haldbærari skýringu að fá? Mér finnst ekki þurfa að véfengja orð annara og setja þá túlkun í að það sé eitthvað annað í gangi en þarna er sagt og oftast er sú túlkun notuð að eitthvað sé að og allt sé í háa loft bara. Nei nei bara velti þessu upp svona. Góða veðrið er það ekki.

 kv SG

[Haukur Nikulásson, 26.7.2008 kl. 02:34]

Stefán, þetta er nú ekki alvarleg pæling hjá mér. Mér finnst þetta bara ekki ganga upp og það er eins og það þurfi endilega að finna einhverjar "skýringar" á málinu. Hér er bara ekkert trúverðugt og finnst manni það alveg ástæðulaust. Sumir eru bara svo viðkvæmir fyrir sannleikanum.

Persónulega finnst mér það hvorki Garðari né Einar til minnkunar að segja bara að þeir hafi ekki séð umboðsmennskuna sömu augum sem mér finnst bara miklu trúverðugri skýringu en þvættingin sem haft er fyrir að setja hérna í fjölmiðla.

Veðrið var yndislegt og þar getum við verið sammála. Ég er að koma úr "giggi" og það hefur rignt í kvöld en samt er þetta gott sumarveður, a.m.k. hlýtt.

[gísli (IP-tala skráð) 2.8.2008 kl. 01:15]

Þetta er bara enn eitt klúðrið hjá Einari. Getur einhver bent mér á eitthvað sem ekki hefur klúðrast hjá honum, strákarnir á borginni, eldborg, concert, nylon, skímó, luxor, garðar? Þetta hefur allt á endanum fokkast upp. Líklegast snýst þetta um peninga en þar stendur hnífurnn ansi oft í kúnni hjá Einari. Það geta ansi margir vitnað um í tónlistar- og framleiðslubransanum.