Eat your heart out! - (útleggst: Öfundið!)

Hér sit ég úti fyrir á jarðhæð á Parque Santiago IV á Playa de las Americas á Tenerife og skrifa blogg. Hitinn er 18 gráður og ég er á pólóskyrtu. Við bræðurnir og fjölskyldur vorum að borða og fá okkur í glas.

Alltaf hef ég nett samviskubit þegar ég hef það gott. Ég er nefnilega einn af þeim sem daglega finnst eðlilegt að hafa það hæfilega skítt í tilverunni.

Þessi staður er yndislegur. Hér er hitastig sem hentar okkur íslendingum allt árið um kring. Þetta er eyja og hér er verðlag stöðugt. Mér finnst því eðlilegt á þessari stundu að láta öfunda mig hæfilega af því að vera hér í mildu veðri að blogga úti um miðnættið. Um leið og ég ýti á vista og birta stend ég upp og blanda aftur í glasið. Skál og góða helgi!

Athugasemdir

[Óskar Þorkelsson, 30.3.2008 kl. 01:27]

er euro á tenerife ?

[Sigurjón, 30.3.2008 kl. 02:21]

Til að svara spurningu ofanritaðs: Já.

Njóttu dvalarinnar á Kanaríeyjunni Haukur og alls ekki fá samvizkubit yfir því að líða vel.  Ég sé ekki hálfan millimetra af skömm í því.  Skál!

[Ásthildur Cesil Þórðardóttir, 30.3.2008 kl. 13:18]

Njóttu þín vel Haukur minn við gleðskap sól og hita.  Ég neita að öfunda þig, en samgleðst þér innilega.

[Ingvar Valgeirsson, 30.3.2008 kl. 16:19]

Ma og pa fara þarna árlega og þá fæ ég aldeilis að heyra af þessari paradís. Ertu einmitt ekki kominn á réttan aldur fyrir staðinn?

:)

[Haukur Nikulásson, 31.3.2008 kl. 00:23]

Takk fyrir góðar óskir Sjonni og Cesil.

Ingvar ég er örugglega að komast á réttan aldur fyrir þetta og þú nálgast hann líka eins og óð fluga. Veistu hér er ekki svo vitlaust að trúbba ef því er að skipta. Örugglega jafn illa borgað og heima

[Haraldur Haraldsson, 31.3.2008 kl. 17:31]

Jú Haukur ,það ber á öfund hjá mer og mínum,það er kalt á klakanum núna og eg vildi vera þarna!!!!/en hafðu það gott/Kveðja Halli gamli