Við gætum gert það líka fyrir glæpi gegn mannkyninu!

Það er einhvern veginn svo að sigurvegarar í stríði fá alltaf veglegri sess í sögunni en þeir sem tapa. Hér skiptir engu hvort þeir hafi verið vægari eða grimmari en andstæðingurinn.

Ég leyfi mér að fullyrða að þær hörmungar sem Bush leiddi yfir Íraka eru margfalt, margfalt meiri en Saddam Hussein var nokkurn tíma sekur um eða hefði orðið sekur um þótt slæmur væri. Það var mál Íraka sjálfra að losna við hann en ekki Bush. Þið megið spyrja ykkur sjálf þess hvort íslendingar myndu sætta sig við svona afskipti af innanríkismálum okkar.

Bush fer óhjákvæmilega í ruslatunnu sögunnar fyrir glæpi sína gegn mannkyninu rétt eins og Hitler, Stalín og fleiri sem eru sekir um þjóðarmorð. Írak á langt í land með að ná sér upp úr þeirri vargöld sem þar ríkir og við gerum sjálfir ekkert í því að leiðrétta eigin mistök með stuðningnum við þetta mesta óhæfuverk þessarar aldar.

Gefa út handtökuskipun á Bush

Athugasemdir

[Þorsteinn Valur Baldvinsson, 5.3.2008 kl. 10:24]

Er mjög hlynntur málsókn gegn Bush og félögum, fyrir stríðsglæpina í Írak.

Spurning hvort við þyrftum ekki að framselja þá Davíð Oddsson og Halldór Ásgrímsson, fyrir að hvetja til þess stríðs og styðja við, án lögformlegrar heimildar.

Er ekki ráð Haukur að efna til samskota og ráða færan lögmann til að skoða grundvöll til ákæru og málsóknar fyrir Bandarískum dómstól eða stríðsglæpadómstólnum.

[Haukur Nikulásson, 5.3.2008 kl. 10:32]

Ég er hræddur um að það stoði lítt Þorsteinn. Bush er búinn að vera svo lengi við völd að ég held að þeir hæstaréttardómarar sem hann skipaði sjálfur muni aldrei sakfella hann á endanum.

Á sama hátt er ég hræddur um að íslenskir dómarar, þar á meðal sonurinn, muni ekki sakfella yfirblýantsnagarann í Seðlabankanum.

Hins vegar hefðum við smá von um sakfellingu á Hornafjarðarmannanum því hann á enga dómara í vasanum.

[Ásthildur Cesil Þórðardóttir, 5.3.2008 kl. 11:48]

Innilega innilega innilega sammála.

[Gunnlaugur B Ólafsson, 6.3.2008 kl. 00:23]

Sammála Haukur, en jafnframt finnst mér slæmt ef við Skaftfellingar/Hornfirðingar erum með verri tengslanet meðal dómara landsins.

[Sigurjón, 8.3.2008 kl. 02:43]

Ég vil taka það fram strax í upphafi að ég er gjörsamlega andvígur þessum stríðsrekstri í Írak og finnst að Davíð og Halldór hafi átt að ráðfæra sig við a.m.k. einhverjar nefndir Alþingis áður en stuðningi við stríðið var lýst yfir.

Hins vegar er stórlega orðum aukið að þeir tveir hafi hvatt til þessa stríðs á eigin spýtur.  Þeir bera m.ö.o. enga ábyrgð á því og eru alls ekki sakhæfir fyrir það, hvorki hérlendis né erlendis.

Orðið ,,lögformlegt" var fundið upp af fréttadeild RÚV í sambandi við umhverfismat Kárahnjúkavirkjunar og mætti það orð hvíla í friði...