Auglýsingar - Sumar eldast verr en aðrar

Steve McQueen er einn af almestu töffurum hvíta tjaldsins. Sem ungur maður lék hann í vestrum sem sýndir voru í kananum okkur pjökkunum til mikillar ánægju. Þessi vestri hét Wanted - dead or alive (sem útleggst nokkurn veginn: Gómið hann - dauðan eða lifandi).

Tóbaksframleiðandi nokkur var kostunaraðili þessarar þáttaseríu og hér sést leikarinn mæla með þessum rettum og má af kaldhæðni segja að naglarnir náðu honum sjálfum fyrir rest - dauðum. Auglýsing þessi er svo kjánaleg í dag að hún vekur upp bjánahroll.

Til að gæta allrar sanngirni voru sígarettureykingar ekki taldar svo hættulegar á þessum tíma (1960) og það var ekki fyrr en 5 árum seinna að okkur púkunum var sýnd hrollvekjandi fræðslumynd í Álftamýrarskóla um skaðsemi reykinga. Það var eins og við manninn mælt - flest byrjuðum við að reykja!

Ef þú ert einn þeirra sem reykir skaltu hugleiða að hætta - sem fyrst!

Athugasemdir

[Kolgrima, 16.2.2008 kl. 02:54]

Æ, þetta er eilífðarbarátta Hjálpar til að vera minntur á það að þeir sem auglýstu tóbak sem mest,  dóu margir fyrir aldur fram úr lungnakrabba.

Þetta er fyndin auglýsing. Ég man mest eftir Steve McQueen úr Love story

[Haukur Nikulásson, 16.2.2008 kl. 03:09]

Kolgrima, það var þáverandi konan hans, Ali McGraw, sem lék í Love Story. Hins vegar er svipur með Steve Mcqueen og Ryan O'Neal sem lék í Love Story.

[Einar Bragi Bragason., 18.2.2008 kl. 00:30]

hann er samt töff þarna