Spánverjar ákváðu að Eiður væri áfram meiddur!

Hér er mál í uppsiglingu sem ekki verður séð fyrir endan á strax.

Hér virðast Spánverjar vera að draga tennurnar úr íslenska landsliðinu með aðstoð forráðamanna spánska félagsins Barcelona. Þetta hlýtur að draga dilk á eftir sér þar sem búið var að lýsa því yfir að hann væri orðinn leikfær þó ekki hefði hann úthald í fullan leik.

Ég á jafnvel von á því að keppinautar Spánar um efstu sæti riðilsins láti fara fram rannsókn á þvi með hvaða hætti þetta ber að og þá reynir á það hvort stjórn KSÍ hefur manndóm í sér til að segja satt í þessu máli.

Það er auk þess ámælisvert að stjórn KSÍ noti nafn Eiðs Smára fram á allra síðustu stundu til að selja miða á leikinn. Er engin sómatilfinning lengur í þessu málum? 

Barcelona óskaði eftir því að Eiður spilaði ekki í kvöld

Athugasemdir

[Haukur Nikulásson, 9.9.2007 kl. 08:21]

Steinar Óli,

Ég hef aldrei eytt athugasemd. Í þínu tilviki skal ég gera það ef þú biður mig um það.

[Hallgrímur Óli Helgason, 9.9.2007 kl. 11:19]

skrýtið þetta mál, fréttamenn hljóta að kafa dýpra í þetta

[ViceRoy, 9.9.2007 kl. 13:38]

Og ég held það hafi þá bara verið hið besta mál. Fannst liðið spila mjög vel í gær og með fullri virðingu fyrir Eiði Smára, þá held ég að liðið hafi spilað mun betur sem lið en ef þeir hefðu haft Eið Smára inná. Þegar Eiður spilar snýst allt í kringum hann og hann á að gera allt virðist vera, allt lagt á herðarnar á honum og það dregur liðið niður. Þetta er nákvæmlega eins með Ólaf Stefánsson í handboltanum, þegar hann spilar ekki þá spilar liðið betur. 

[Ívar Jón Arnarson, 9.9.2007 kl. 15:27]

Sammála Sæþóri.

Eiður er ekki búinn að spila fótbolta í marga mánuði, er algerlega dottinn úr leikformi. Mér fannst liðið bara spila fínan leik á móti Spánverjum, en samt finnst mér liðið alltaf detta í sama farið þegar við erum komnir 1-0 á móti stórliðum, við pökkum í vörn. Undantekningalaust endar það með að við þolum ekki pressuna og við fáum mark á okkur, gerist í hvert einasta sinn.

Af hverju getur liðið ekki bara haldið áfram að spila sama leik og þeir gerðu í 70 mínútur ?

[Haukur Nikulásson, 9.9.2007 kl. 17:36]

Ég er sammála Sæþóri og Ívari að hinir leikmennirnir eigi jafnvel að styrkjast við brotthvarf Eiðs. Maður sér þetta oft í hópíþróttum. Það er líka eins og að andstæðingarnir leggi sig ekki eins mikið fram ef þeir telja að liðið veikist við fjarveru stjörnuleikmanna.

Þetta voru í sjálfu sér ágæt úrslit í gær og ekki yfir neinu að kvarta, þó svo að einhverjir hafi talið mig neikvæðan i djókbloggi mínu hér á síðunni. Sumir taka þetta svo alvarlega að þeir kveikja ekki á bröndurunum. 

[Bjarni Þór Sigurbjörnsson (IP-tala skráð) 9.9.2007 kl. 18:34]

A.m.k. má kalla það sérstaklega neyðarlegt fyrir KSÍ að hafa lúffað fyrir öðru af stærstu knattspyrnuveldum Spánar, með því að geyma sinn þekktasta leikmann og markaskorara uppi í stúku í leik á móti Spáni! Að sjálfsögðu ættu fjölmiðlar að grafast frekar fyrir um þetta mál.