Rífast um tæknilegan tittlingaskít til að fela óráðsíubullið!

Þetta er alveg brakandi snilld hjá fjármálaráðherranum. Ef rökin hans fyrir útgjöldum standa geta ráðuneytin og stofnanir gert nákvæmlega það sem þeim sýnist. Ef peningar eru í kassanum megi þeir eyða þeim í hvaða vitleysu sem er.

Hér er hins vegar meiri snilld á ferðinni. Farið er út í að rífast um tæknileg útfærsluatriði út frá fjárreiðulögum til að fela raunverulega vandamálið sem felst í því að handstýra fjárveitingum í gjaldþrota fyrirtæki í kjördæminu í atkvæðakaupum fyrir kosningar.

Kristján L. Möller gerði mistök með því að kenna ráðgjafanum um. Vonandi sér hann að sér og biðst afsökunar. Ráðgjafinn virðist nefnilega reiðast nægilega mikið til að segja sannleikann um valdbeitinguna með fjármunina, en hann getur hins vegar kvatt þann möguleika að fá fleiri ráðgjafarverkefni í framhaldinu. Þeir sem ráða hjá ríkinu geta nefnilega bæði séð um sína og hefnt sín ef því er að skipta. 

Segir fjármögnun Grímseyjarferju innan fjárreiðuheimilda

Athugasemdir

[Haraldur Haraldsson, 21.8.2007 kl. 17:41]

Árni Matt er þarna á hálum skóm/Halli Gamli

[Sigurjón Þórðarson, 21.8.2007 kl. 18:28]

Hvað getur Árni Matt sagt en hann losaði tugi milljóna í hesthús sem höfðu það sammerkt að vera í Suðukjördæmi sem ekki var heimild fyrir í fjárlögum og síðan losaði hann til sín sjálfs tugi milljóna þegar hann seldi stofnfé í Sparisjóði Hafnafjarðar sem hann fékk vegna pólitískra tengsla.