Er metnaðurinn að vera hæstlaunaði varamaðurinn?

Manni virðist af umræðunni að peningarnir séu orðnir svo mikið aðalatriði að það skipti hreint ekki máli hvort hann fái að spila eða ekki. Ég held að flestir séu meðvitaðir um að launaseðillinn skipti máli bara einn dag í mánuði. Alla aðra daga sé spurning hvort þú sért hamingjusamur í því sem þú fæst við.

Ég held að flestum okkar verði morgunljóst til hvers hugur Eiðs Smára stendur varðandi þetta eftir þennan vetur. Ætlar hann að láta peningana alfarið ráða ferðinni?

Ég vona sannarlega að þessi geðþekki maður taki rétta ákvörðun. 

Segir launakröfur Eiðs Smára háar

Athugasemdir

[Hallgrímur Egilsson, 13.8.2007 kl. 09:20]

Það sést alveg í þessari frétt að hann vill EKKI fara frá Barca, þó hann sé orðinn sjötti framherjinn. Það er greinilegt að honum líður vel á Spáni og hefur ekki áhuga á að fara í Breska veðurfarið aftur. Það gæti verið ástæðan fyrir háum kröfum...

[Ingólfur Þór Guðmundsson, 13.8.2007 kl. 11:56]

Ætli markmiðið hjá honum sé ekki bara að taka Arnar Gunnlaugs á þetta.

Arnar Gunnlaugsson var dýrasti leikmaður Leicester frá upphafi þegar hann kom til félagsins og einnig sá hæstlaunaði.

Hann spilaði nánast ekkert með þeim, og féll því alltaf meira og meira í ónáðina hjá stuðningsmönnum liðsins.

Mér finnst allaveganna að knattspyrnumenn ættu að reyna að vera hjá liði sem þeir geta spilað 90 mín í hverjum einasta leik (allt að því).

og ef Eiður kemst ekkert í liðið hjá Barca, þá er hann klárlega ekki nógu góður í liðið, ég held að það sé deginum ljósara. Og því ætti hann að fara að huga að liðið sem er í hans styrkleikaflokki. 

Það breytir engu hvort það er á vinnustað eða hjá knattspyrnuklúbbi, þeir sem eru áskrifendur að laununum sínum og gera lítið annað en það, verða aldrei mjög vinsælir, hvorki hjá vinnufélögunum eða stuðningsmönnunum.

ég ætla að vona að ég hafi ekki móðgað marga með þessum skrifum..

góðar stundir