Hvaða, hvaða bara 11-18 milljónir á hvert mannsbarn í eyjum!

Ég held að þetta ríka pakk í Reykjavík geti bara pungað út þessum smáaurum í jarðgangnagerð. Þetta eru ekki nema í besta falli 44 milljónir á hverja 4ra manna fjölskyldu í Vestmannaeyjum eða 92 millur ef illa gengur að bora.

Héðinsfjarðargöng eru þó ekki nema 6-8 milljónir á hvert mannsbarn á Siglufirði sem eru bara peanuts í samanburði á frekjumælikvarðanum.

Hmmm.... ég var að velta fyrir mér hvort ég gæti nokkuð fengið litlar 5 millur á mann í bílastyrk til fjölskyldunnar gegn því að ég sleppi því að heimta jarðgöng á mínu svæði?

Sé talað í alvöru: Fá menn greitt stórfé fyrir að velta þessari vitleysisspurningu fyrir sér á verkfræðistofum? 

 

„Álitamál hvort göng til Vestmannaeyja séu réttlætanleg"

Athugasemdir

[Júlíus Sigurþórsson, 24.7.2007 kl. 17:30]

Mikið óskaplega er ég þér sammála núna.

[Óskar Þorkelsson, 24.7.2007 kl. 17:43]

notum þessa milljarða í tvöföldun vegakerfisins út frá Rvk..

Eyjamenn ættu að fá annan Herjólf og hafa tvö skip í siglingum á milli lands og eyja..  

málið dautt

[steini (IP-tala skráð) 24.7.2007 kl. 18:04]

Þetta er það sem eyjamenn hafa verið að berjast fyrir, að fá NIÐURSTÖÐU í gangnamálið, það er alveg ótrúlega mikið af illa upplýstu liði sem heldur að eyjamenn séu að fara að berjast fyrir göngum á þessu verði, það fólk sem heldur það þjáist af því sem er kallað skortur á heilasellum, nú er loksins komin niðurstaða í málið, göng eru einfaldlega of dýr og núna þegar allir kostirnir liggja uppá borðinu er loksins hægt að taka ákvörðun um framtíðarsamgöngur eyjamanna (og fleiri), ef menn kanna ekki alla samgöngumöguleika í þaula og kosti og galla þeirra þá munu menn komast að lélegri niðurstöðu.

[Pési (IP-tala skráð) 24.7.2007 kl. 18:04]

Göng til eyja munu skemma eyjarnar... hvernig haldið þið að það verði þegar þúsundir bílaleigubíla flykkjast út í eyjar á sumrin með túristum! Það myndi kalla á nýtt vegakerfi í eyjum....   Eða á að hafa vegagjald nú eða velja hverjir fá að komast til "fyrirheitnu eyjarinnar"?

[Þorkell Sigurjónsson, 24.7.2007 kl. 18:06]

Strákar mínir skoðum þetta af sanngirni. Hvað haldið þið að verstöðin Vestmannaeyjar hafi lagt til þjóðarbúsins undanfarna áratugi. Finnst ykkur ekki í alvöru að Eyjamenn eigi skilið  að eitthvað raunhæft gerist í samgöngumálum þeirra annað það , að gera lítið úr málinu?

[Jóhannes Benediktsson (IP-tala skráð) 24.7.2007 kl. 18:42]

Þorkell: Nú veit ég ekki hvort þú ert að grínast eða ekki, en ertu að segja að Íslendingar standi í (50 - 80 milljarða) þakkarskuld við Vestmannaeyinga fyrir að þar hafi fiskur Íslendinga verið dreginn á land í gegn um tíðina? Þetta hljómar ekki rétt. Eða hvað finnst þér?

Sjálfum finnst mér sjálfsagt að reikna dæmið. Gott og vel. Það hefur verið gert. Þessi niðurstaða afskrifar göng á ótvíræðan hátt. Nú er hægt að velta öðrum möguleikum fyrir sér. E.t.v. bæta við öðru skipi á milli lands og Eyjar? Þau hljómar rökréttara (en þá þyrfti að sjálfsögðu að skoða hvort þörfin fyrir slíka viðbót sé til staðar).

[Óskar Þorkelsson, 24.7.2007 kl. 19:17]

mér finnst að það eigi að sekta eyjamenn fyrir ofveiði og eyðileggingu lífkerfisins á hafsbotni undanfarin 80 ár 

[Þorkell Sigurjónsson, 24.7.2007 kl. 19:25]

Þú eins svo margir þarna í henni Reykjavík virðist ekki vita hvaðan peningarnir koma sem við landsmenn höfum aflað undanfarna áratugi, þú Óskar minn virðist einn af þeim.

[Marta B Helgadóttir, 24.7.2007 kl. 20:09]

Hjartanlega sammála þér Óskar.

[Jón Ingi Cæsarsson, 24.7.2007 kl. 20:26]

Það er alltaf jafn fyndið að lesa skrif höfuðborgarbúa um göng úti á landi. Það er eins og enginn noti slíkt nema heimamenn....bjánaleg umræða...

svo er það annað mál að göng til Vestmannaeyjar geta aldrei orðið forgangsverkefni nema Árni eyjapeyji finni fjármagn einhversstaðar og það getur hann örugglega

[Rúnar Ingi Guðjónsson, 24.7.2007 kl. 20:41]

!EKKI þetta tal um að reykvíkingar séu að borga allt og ekkert fyrir restina af íslendingum!

ef við gefum okkur að 8% þjóðarframleiðslunar komi frá Vestmannaeyjum, eins og var árið 1996 og þjóðarframleiðslan það ár var samkvæmt vísindavef Háskóla Íslands, um 500 milljarðar króna, þá þýðir það u.þ.b 40 milljarðar króna þetta eina ár.

Og ekki gleyma því að það býr innan við 2% af íbúafjölda íslendinga í eyjum.

[LM, 24.7.2007 kl. 21:23]

Það er tómt kjaftæði að 8% þjóðarframleiðslu komi frá Vestmannaeyjum !  Og það að íslenska þjóðin skuldi Vestmanneyjum einhverja greiða er enn fráleitara.

[Sigurjón, 24.7.2007 kl. 21:36]

Bíddu, bíddu, bíddu.  Er hægt að setja íslenzku þjóðina upp sem andstæðu við Eyjamenn?  Eru ekki Vestmannaeyjamenn Íslendingar?  Hvurslax talsmáti er þetta?

Hins vegar virðizt vera ljóst að göng borga sig engan veginn og nær væri að skoða aðra möguleika. 

[Grétar Ómarsson, 24.7.2007 kl. 23:50]

Sammála Sigurjóni að mörgu leiti, ef við erum að tala um 70 milljarða í jarðgöng hljóta Eyjamenn að sjá það jafnvel og aðrir að sá biti er of stór fyrir þjóðarbúið.

Það er sorglegt að sjá hvernig fólk drullar yfir Eyjamenn þó fæstir af þeim hafi tjáð sig um þessi mál, Ég er Eyjamaður og meðal annars einn af mörgum sem beðið hafa eftir skýrslu vegagerðar.

Við Eyjamenn lifðum í von um að hún yrði hagstæðari á allan hátt, hvort sem um er að ræða rannsóknir á jarðlögum eða kostnaðinn við gerð ganga milli lands og Eyja.

Ekki vil ég tjá mig um ummæli Árna Johnsen nema að því leiti að ég virði skoðanir fræðimanna og mun lúta þeim úrskurði. 

Að mínu mati eru göng of dýr kostur fyrir þjóðina og tek undir orð margra hér að ofan.

EN!!! í guðs bænum ekki setja upp skoðun um frekju Eyjamanna bara vegna þess að einn maður "Árni" hefur tjáð skoðanir sínar í fjölmiðlum, hann er ekki sjálfskipaður fulltrúi Eyjamanna í þessu máli.

[Grétar Ómarsson, 25.7.2007 kl. 00:09]

Óskar og Marta,

Hrillingur að sjá hversu þröngsýn þið eruð.

þið haldi örugglega að peningarnir verði til í bönkunum og ferðaþjónustunni.

Ég sé ykkur fyrir mér skjótast á spúandi einkabílnum í Nóatún og beinustu leið að kjötborðinu til að versla í matinn.

[VB (IP-tala skráð) 25.7.2007 kl. 00:35]

Í hausnum á bloggi Hauks segir "vill bæta íslenskt samfélag." Sígilda höfðatölu umræðan og krónur á haus, greinilega hugsjónamaður á ferð. 

Er einn af þessum Eyjamönnum sem hafa sprengt frekjumælikvarða Hauksins og hafði veikar vonir um að þessi skýrsla yrði hagstæð. Miðað við niðustöðu þessarar skýrslu er bitinn of stór þátt fyrir að Eyjamenn hafi verið svo vitlausir að ætla borga vegtoll í göngin ef þau væru möguleg. Hvílíkt aumingjastolt að ætla borga, eitthvað sem vinir mínir í borg óttans nefna aldrei. Tvöfalda hér, mislæg hér, einfaldlega réttlætismál og ég er nánast alltaf sammála þeim.

Vonandi verður þó þessi skýrsla til brjóta þá stöðnun í samgöngumálum okkar, sem skýrslu ritröðin hefur skapað. 

Rúnar hefur ýmislegt til síns máls, t.d. hver ætli skattalegur viðskiftahalli Eyjamanna sé árlega? Hver hefur hann verið síðustu áratuginna? 

[Pálmi Freyr Óskarsson, 25.7.2007 kl. 05:23]

Heimsendaspár um göngin Áform um Hvalfjarðargöng settu eðlilega mark sitt á þjóðmálaumræðuna þegar við blasti að ráðist yrði í framkvæmdir. Margir lýstu ánægju með að göng undir Hvalfjörð væru loksins í sjónmáli og hlökkuðu til að losna við að aka fyrir fjörð í öllum veðrum. Aðrir voru neikvæðir, höfðu jafnvel uppi gífuryrtar heimsendaspár. Nokkur dæmi skulu tilgreind úr safni tilvitnana í skrif og ummæli andstæðinga Hvalfjarðarganga. Friðrik Hansen Guðmundsson í samtali við fréttamann Útvarps 1. febrúar 1996, eftir fund Verkfræðingafélagsins um Hvalfjarðargöng: "Það liggur bara alveg fyrir eftir þennan fund að mínu mati að menn vita hreint og klárt ekkert hvað þeir eru að fara út í. Það verður ekki ljóst fyrr en menn fara að grafa og bora og sprengja þarna niðri. Þarna eru misgengissprungur, berggangar, þetta er allt saman vatnsleiðandi berglög sem þarna eru á ferðinni og ef menn lenda í þessum göngum þegar það er verið að sprengja niður á við, þar verða menn að vinna í vatni og sprengja í vatni með vatnið alltaf á sér og ef menn lenda í miklum lekavandamálum eins og í Vestfjarðagöngum, sem getur vel komið þarna upp, að þá sér maður fram á að menn gefist bara hreinlega upp." Friðrik Hansen Guðmundsson í fréttum Stöðvar tvö 1. febrúar 1996: "Það síðasta sem við þurfum á að halda sem stöndum í útflutningi á verkfræðiþekkingu er stórbrotið klúður á heimavelli og ef illa tekst upp í Hvalfjarðargöngunum þá mun það varpa skugga ótrúverðugleika yfir alla íslensku verkfræðistéttina." Friðrik Hansen Guðmundsson í fréttum Sjónvarps 1. febrúar 1996: "Ég er að benda á það að eftir þeirri reynslu sem menn hafa erlendis frá þá geta menn lent í hverju sem er þarna ofan í jarðgöngum. Menn eiga þar á hættu að lenda í miklum lekavandamálum eins og menn lentu í í Vestfjarðagöngum. Menn eiga þar á hættu að lenda í vandamálum vegna jarðskjálfta ef þarna á sér stað jarðskjálfti. Það er alveg óþekkt hvað gerist í slíkum göngum sem þessum í jarðskjálfta í þessu bergi sem við höfum hér. Við erum að horfa upp á möguleika á verulegum stórslysum ofan í þessum jarðgöngum ef að þarna á sér stað árekstur ofan í þessum djúpu jarðgöngum. Þarna getur átt sér stað bruni, þarna getur átt sér stað slys og bruni ofan í þessum jarðgöngum að þá geta menn lent þar í gríðarlegum slysum og eins og málin blasa við og standa við sérstakletga eftir þennan fund hér í dag þá hefur ekkert komið fram sem að annað en að styrkja mig í þeirri trú að þarna geta menn lent í stórbrotnu klúðri sem að bitnar síðan á okkur öllum sem búum í þessu landi." Gunnlaugur Þórðarson, lögmaður, í Morgublaðsgrein 20. febrúar 1996: "Gerð ganganna mun án efa kosta mannslíf." "Mér er ekki kunnugt um neinn íslenskan verkfræðing, tæknifræðing né arkitekt, en þeir vera að standa ábyrgir fyrir gerðum sínum, sem fæst til að taka ábyrgð á eða jafnvel mæla með jarðgöngunum." Gunnlaugur Þórðarson, lögmaður, í Morgunblaðsgrein 29. febrúar 1996: "Í þessu máli, sem svo mörgum öðrum milli íslensku þjóðarinnar og norskra stjórnvalda, gildir gamla máltækið "frændur eru frændum verstir". Það er dapurlegt að hugsa til þess að það mun enn, á sinn hátt, rætast í jarðgöngunum undir Hvalfirði." Magnús Sigurðsson skrifar í DV 23. febrúar 1996: "Þeir sem ég hef heyrt ræða göngin telja þau beinlínis óðs manns æði og það skipti verulegu máli að þau verði ekki að veruleika." Ágúst Sigurðsson skrifar í DV 29. febrúar 1996: "Hér er rennt blint í sjóinn, í þeirra orða fyllstu merkingu, með gerð ganganna og þau eiga því miður eftir að verða stór og mikil martröð allrar þjóðarinnar á komandi árum. Mótmæli verða því að koma fram." Jónas Kristjánsson í forystugrein í DV 27. febrúar 1996: "Til marks um þýlyndi Íslendinga má hafa, að engin samtök grípa til varna gegn Hvalfjarðargöngum. Fólk tuðar gegn göngunum í hornum sínum, en notar ekki samtakamátt til að koma í veg fyrir, að göngin verði að einni helstu martröð þjóðarbúsins á næstu árum." "Ef Íslendingar væru ekki þýlyndari en aðrar þjóðir, létu þeir ekki rugl af þessu tagi yfir sig ganga hljóðalaust. Stofnuð væru samtök til að gæta hagsmuna skattgreiðenda og vegfarenda til þess að berjast gegn því, að vandræðin yrðu meiri en þau eru þegar orðin." "Stofna þarf virk almannasamtök til að vernda viðhald og framkvæmdir við veginn fyrir botn Hvalfjarðar og hindra frekari ábyrgð skattgreiðenda á göngunum." Ólafur Sigurgeirsson á Þaravöllum í samtali við Tímann 24. febrúar 1996: "Þessi göng eru eitt mesta umhverfisslys landsins og stórskaði fyrir okkur hér og alla landsmenn. Göngin eiga eftir að verða dragbítur á þjóðfélaginu í áratugi og komast sennilega aldrei í gagnið." Gunnlaugur Þórðarson snýr við blaðinu Gunnlaugur Þórðarson, hæstaréttarlögmaður, var í hópi þeirra sem hvað harkalegast gagnrýndu áform um Hvalfjarðargöng á opinberum vettvangi og vöruðu við að "anað yrði út í" þessar framkvæmdir. Hann skrifaði greinar í Morgunblaðið, 20. febrúar 1996 undir fyrirsögninni "Þjóðardoði" og 29. febrúar 1996 undir fyrirsögninni "Hvalfjarðargöngin, Smugan og Mozart". Gunnlaugi snerist hugur svo um munaði og hann vitnaði síðar í tvígang í Morgunblaðinu um ágæti Hvalfjarðarganga. Þann 25. október 1997 skrifaði hann grein undir fyrirsögninni "Að skjátlast er mannlegt" og rakti hvernig undirmeðvitund sín hefði rumskað þegar fréttir bárust um glæsilegan árangur við gangagerðina: "Gat það verið, að baráttugleðin í fyrrgreindum blaðagreinum hefði leitt mig á villigötur? Og lét þetta mig ekki í friði. Ég varð að skoða verkið með eigin augum." Gunnlaugur fékk síðan leyfi til að skoða Hvalfjarðargöng í fylgd Hermanns Sigurðssonar, verkfræðings og þáverandi staðarstjóra Fossvirkis í Hvalfirði. Eftir þá heimsókn skrifaði Gunnlaugur Þórðarson m.a.: "Heimsóknin í göngin sannfærði mig um , að þar væri unnið stórkostlegt mannvirki, sem yrði þjóðinni lyftistöng og væri vottur þess stórhugar, sem ríkja ætti með íslensku þjóðinni." "Öryggistilfinningin þarna neðanjarðar var dásamleg. Manndómurinn í verkinu er þeim, sem að því standa, til sóma. Í samræmi við áðurnefnt spakmæli hlýt ég að leiðrétta orð mín og hlakka til að fara um Hvalfjarðargöngin fullfrágengin norður á Húsavík að rúmu ári. Til hamingju Ístak og Fossvirki!"

tekiið af spolur.is

[Haukur Nikulásson, 25.7.2007 kl. 08:45]

Mér sýnist flestar athugasemdir hníga í þá átt að göng séu of dýr biti. Ég verð samt að furða mig á þeirri umræðu að samfélagið skuldi Eyjamönnum eitthvað vegna fiskveiða þeirra. Þeir veiddu fiskinn, þeir seldu hann og hirtu gróðann. Nú eiga þeir Toyota umboðið. Það má endalaust fara í rökræður sem enda í vitleysu.

Mér finnst blasa við hjá sumum sú ranghugsun að það eigi allir sama rétt til lífsgæða óháð því hvar þeir vilja búa. Þetta er einfaldlega rangt. Ef ég ákveð að flytja til Loðmundarfjarðar á ég þá rétt á bundnu slitlagi þangað, skóla, heilsugæslu, stjórnsýslubatteríi og öllu saman? Nei, langt í frá. Fólk velur endanlega hvar það vill búa og þar með koma valkostir og Eyjamenn velja það sjálfir að búa á stað þar sem samgöngur eru erfiðar eiginlega allt árið.

Ég hef lengi talið að til þess að hægt sé að byggja upp vitlegt samfélag þarf að þétta byggð svo hægt sé að veita fólki eitthvað af auknum kröfum um lífsgæði. Af praktískum ástæðum ættu Vestmannaeyjar ekki að vera í byggð. Til þess liggja öryggisástæður og samgönguástæður. Ef menn hins vegar velja það að vera þarna finnst manni að þeir geti sleppt því að kvarta yfir því. Ókostirnir eru öllum ljósir fyrirfram.

Vestmannaeyingar voru á sínum tíma allir fluttir upp á land vegna eldgoss í byggð og þeir hefðu átt að halda sig þar. Allir þeir sem fluttu til baka eftir gosið völdu það sjálfir. Þjóðin var nefnilega öll skattlögð fyrir þá með viðlagagjaldi sem notuð voru til að byggja fyrir þá húseignir upp á landi og bæta þeim skaðann. Þá stóð ekki á stuðningi við þá. Þeir Eyjamenn sem kvarta yfir sérstökum rangindum og afskiptaleysi í samgöngumálum eru búnir að gleyma sögunni full mikið.

[Óskar Þorkelsson, 25.7.2007 kl. 21:16]

hí hí.. gaman að sjá hversu ofboðslea húmorslausir margir eyjamenn eru.. og svakalega hörundsárir.

btw ég er að vestan.  Hef migið í saltann sjó.. roðflett og flakað ormhreinsað og elt stelpur inni á pappalofti..  andskotans moðhausar eruð þið eyjamenn ;)  Ég skal mala hvern sem er frá eyjum í handflökun.. enda kunnið þið ekki lengur til verka.. heimsmeistarar í útflutningi í gámum.

[Þorkell Sigurjónsson, 26.7.2007 kl. 11:42]

Óskar minn, sá sem metur sjálfan sig mikils, er jafnan lítilsmetinn af öðrum.

[Óskar Þorkelsson, 26.7.2007 kl. 11:55]

voru ekki eyjamenn einmitt að gerast sekir um það sama Þorkell   þú greinilega ert alveg eins húmorslaus og eyjamenn almennt.

[Þorkell Sigurjónsson, 26.7.2007 kl. 13:32]

 Að lokum þetta Óskar minn Þú hefur greinilega ekki náð taki á neinni stelpu á pappaloftinu forðum.

[Óskar Þorkelsson, 26.7.2007 kl. 15:56]

nei :D