Ótrúlega hraður leikur og tæpur sigur þegar á reyndi

Þessi leikur gekk hratt fyrir sig. Sóknirnar voru stuttar, af því að varnirnar og markvarslan voru eins og gatasigti a.m.k. í fyrri hálfleik. Það segir sína sögu að skoruð eru 82 mörk í leiknum.

Serbarnir byrjuðu leikinn það vel að ég hélt um tíma að við værum að fá blauta tusku í andlitið á sjálfan þjóðhátíðardaginn, fyrir fullu húsi í brjálaðri stemmingu og með þvílíkt fánahaf að annað eins hefur ekki sést. Fánarnir trúlega í boði HSÍ vegna dagsins.

Það sem bjargaði íslenska liðinu í dag var að sóknin gekk þokkalega vel og þeir héldu haus til loka, en ekki mátti miklu muna.

Til hamingju með þennan sigur, við öll! 

Ísland sigraði Serbíu 42:40 og er komið á EM

Athugasemdir

[Óskar Þorkelsson, 18.6.2007 kl. 12:27]

Glæsilegur árangur og stórskemmtilegur leikur.. þótt dómararnir hafi verið fullhlutdrægir á stundum...