Egill Helgason: Lokar á svör en spyr bara samt!

Það eru nokkrir mánuðir síðan ég komst að því að Egill Helgason er um margt þversagnakenndur og trúlega veit hann það best sjálfur. Eins og við mátti búast hafa margir áhuga á að lesa bloggið hans og hann sér sannarlega oft mjög áhugaverða og skemmtilega fleti á því sem gerist í pólitíkinni. Hann á það hins vegar til að vera svolítið blindur og einþykkur þegar hann á sjálfur í hlut. Það hef ég reynt persónulega. Mitt í öllum líberalismanum sínum er hann alltof hátíðlegur um sjálfan sig og vill alls ekki opinbera að hann geti gert mistök. Við gerum öll mistök og því er það okkur hollt að viðurkenna það, helst strax.

Hann er einn örfárra sem lokar á athugasemdir á Moggablogginu en endar samt tvo síðustu pistlana sína á spurningum.

Hví ertu að þessu Palli? Er spurningin sem hann beinir að, líklega fyrrverandi vini sínum, Páli Baldvini Baldvinssyni fyrir að ljúga upp á sig að hann haldi enga starfssamninga.

Hvar er Atli Eðvaldsson?  Er spurningin sem félagar hans í KR fá vegna slæms gengis meistarflokks félagsins í karlaflokki.

Hvert eiga svörin að berast Egill? Getum við, sem höfum opið fyrir athugasemdirnar, tekið við svörum fyrir þig?

Athugasemdir

[Ásthildur Cesil Þórðardóttir, 11.6.2007 kl. 20:28]

Mér finnst það voða lásí þegar menn hafa lokað fyrir athugasemdir.  Einhvernveginn svo lítilmannlegt og hallærislegt.  Eins og þeir geti ekki tekist á við þau málefni sem þeir eru að slengja fram.

[Haraldur Haraldsson, 12.6.2007 kl. 13:31]

Sammála ykkur um þessi mál,til hvers er verið að skrifa blogg ef ekki andsvara/Halli gamli