Jónínumálið einkennist meira af sóðalegu yfirklóri en dylgjum

Þessi framhaldssaga er öll að verða hin pínlegasta. Afgreiðsla málsins fór fram á milli ráðuneytis, stofnana og alþingis SAMDÆGURS. Eitthvað hlýtur hraðþjónustan í þessu máli að kosta aukreitis.

Lygavaðallinn er orðin svo mikill að það hefði verið betra að játa allt saman strax sem óeðlilega fyrirgreiðslu og málið hefði trúlega dáið jafnhratt og afgreiðslan, samdægurs.

Þess í stað er hefur hópur fólks gert sig að ómerkilegum lygurum vegna ómerkilegs máls. Það blasir við að þegar fólk er orðið svona lygið eins og raun ber vitni í smámáli þá sjáum við öll að þeim er ekki treystandi fyrir neinu. Þau hafa misst allan trúverðugleika og vonandi muna kjósendur þetta fram yfir kjördaginn.

Guðjón Ólafur: „Umfjöllun má ekki einkennast af dylgjum"

Athugasemdir

[Sigurður Viktor Úlfarsson, 4.5.2007 kl. 01:33]

Það er nú frekar ódýr málflutningur að tala um, hvað þá heldur á opinberum vettvangi sem þessum, að fjöldi fólks sem þú líklega þekkir ekki neitt séu lygarar.

Bjarni sagði það í fyrradag að það væri farið yfir þessi mál tvisvar á ári.  Stelpan hefur verið ein þeirra síðustu að senda inn áður en frestinum lauk, verið með alla pappíra í lagi og vegna þess að það átti að taka þetta fyrir á allra næstu dögum hafa Dómsmálaráðuneytið og Útlendingastofnun græjað bunkann sem hefur örugglega verið á borðinu hjá þeim lengi með umsóknum undanfarinna mánuða.

Þetta mál er fullkominn stormur í vatnsglasi og fréttamennirnir eingöngu að henda upp þarna ekki-frétt sem er afarslakt á tíma þar sem nóg er af efni til að setja í fréttirnar.   Hættum nú þessari vitleysisumfjöllun og förum að snúa okkur að einhverju sem skiptir máli.

[Jens Sigurjónsson, 4.5.2007 kl. 01:36]

Hann er flottur hann Guðjón Ólafur með bæði horn og hala.

[Jóhannes Ragnarsson, 4.5.2007 kl. 07:21]

Snilldarpiltur Guðjón Ólafur. Megi Guð og gæfan gefa Framsóknarflokknum fleiri slíka.