Fréttir eru núna settar í lítt dulinn áróðursbúning í aðdraganda kosninganna

Sjálfstæðisflokknum er mikið í mun að reyna selja "stöðugleika" í aðdraganda kosninganna og svona fréttatilbúningur er bara hluti af þeim áróðri.

Maður hefði haldið að nánast opinber stuðningur Morgunblaðsins við Sjálfstæðisflokkinn væri liðin tíð. Eflaust vilja þeir meina að svo sé, en það er hreint ekki svo.

Ný tækni í kosningabaráttunni er að setja fram "fréttir" sem eru jafnvel mun sterkara áróðursbragð heldur en beinar auglýsingar. Fólk trúir í einfeldni sinni að fréttir segi alltaf satt. Hver man ekki eftir gamla orðfærinu "það er satt því það stóð í Mogganum!".

Agnes Bragadóttir lýsti því réttilega, í Silfri Egils, að blaðamenn væru ekki skoðanalausir. Hún gleymdi hins vegar að upplýsa okkur um það hversu útsmognir þeir eru við að lauma þeim í gegnum "hlutlausar" fréttirnar!

Meira jafnvægi að komast á í hagkerfinu

Athugasemdir

[Jónas Tryggvi Jóhannsson, 24.4.2007 kl. 11:17]

Verst hvað þetta eru samt slæmar fréttir fyrir sjálfstæðisflokkinn; lár hagvöxtur alveg til ársins 2012 og enná mjög mikill viðskiptahalli. Það er samt fyndið að það er reynt að koma með jákvæða mynd á þetta allt í fréttinni.. svona einsog "Þetta er allt að koma!" fréttir fyrir landsliðið í fótbolta eða handbolta, alveg sama þótt að staðan sé ekkert góð.

[Ingvar Valgeirsson, 24.4.2007 kl. 17:02]

Mér hefur einmitt sýnst að fréttamenn séu oft vinstrisinnaðri en góðu hófi gegni...