Ljótar auglýsingar hjá VG

Jafnvel Álafossúlpuflokkur eins og VG þarf að gera sér grein fyrir því að ef þau ætla að selja málstað sinn þurfa þau að lagfæra útlitið á auglýsingunum sínum núna.

Þessa daga birtast myndir af formanninum og varaformanninum standandi úti í íslensku veðri, sem er greinilega ekkert til að hrópa húrra fyrir suma daga.

Steingrímur stendur í krumpuðum frakka við höfnina á Húsavík, órakaður að vanda, en samt illa uppstilltur og því miður bara eins og nývaknaður útigangsmaður í sinni hollingu. Það vantar bara pyttlu í vasann til að fullkomna myndina. Af hverju er manninum gerður þessi andskoti? Af hverju ekki að sýna hann í snyrtilegum jakkafötum í þinginu flytjandi ábúðarfulla ræðu? Þar er hann á heimavelli.

Katrín Jakobsdóttir er hörmulega föl á hálfgerðri óveðursmynd á leikvellinum við Langholtsskóla þar sem kontrastur í lýsingu gerir hana allt að því lasna í útliti. Katrín er bæði sæt stelpa og sköruleg og er lítill sómi sýndur í þessari töku.

Ímyndarsmiðir VG eru að mínu mati smekklausir og þarf að skipta út hið snarasta ætli flokkurinn ekki að láta auglýsingarnar hreinlega vinna á móti sér.

Flokkarnir fengu allir sinn hluta ránsfengsins úr ríkissjóði til að borga auglýsingakostnaðinn í kosningunum og það er algjör óþarfi að sýna þessu fjármagni okkar almennings svona óvirðingu! 

Athugasemdir

[Ásthildur Cesil Þórðardóttir, 24.4.2007 kl. 10:22]

Hef ekki séð þessar auglýsingar.   

[Ingvar Valgeirsson, 24.4.2007 kl. 11:01]

Þær geta þó ekki verið verri en bleiku auglýsingarnar, sem birtust fyrir sveitastjórnarkosningarnar í fyrra. Bleikur bakgrunnur og þrír efstu karlarnir í Rvk-kjördæmi - ekkert meiköpp, engin lýsing og enginn stílisti getur lagað þá. Synd samt með Katrínu, því þó hún sé smekklaus (ummæli hennar um bók Margrétar Frímanns eru eitt það ógeðfelldastasem sagt hefur verið í íslenskri pólítík) og í kexrugluðum flokki, þá er hún samt svolítið sæt á góðu mómenti. Óþarfi að skemma það með sæmri myndaöku. Ætli þeir hafi verið búnir að eyða þeim skattpeningum okkar, sem átu að fara í auglýsingar, í betlibréf til Alcan?

[Ingvar Valgeirsson, 24.4.2007 kl. 11:02]

Meinti að sjálfsögðu "áttu" en ekki "átu"... afsagið stavsedningarvilurdnar...

[Haukur Nikulásson, 24.4.2007 kl. 11:16]

Katrín gerði sig seka um misheppnað grín Ingvar. We all do!

[Örvar Þór Kristjánsson, 24.4.2007 kl. 11:57]

Þessar auglýsingar sýna bara myrkan og dimman raunveruleika sem verður ef þessi flokkur kemst til valda.  Þannig að þær henta vel VG

[Ólafur Þórðarson, 24.4.2007 kl. 19:43]

Já, máttur auglýsingavaldsins er slíkur að menn ræða formsatriði auglýsingauppsetningarinnar í stað þess að ræða kjarna málefna. Á kynning á stjórnmálamanni að vera eins og hann kemur fyrir eða vera uppstillt  fermingarmynd?

[Haukur Nikulásson, 24.4.2007 kl. 20:16]

Veffari, hjá mér er þetta einfalt: Til að vinna málstaðnum fylgis þarf hann að líta vel út þegar hann er settur í auglýsingar. Þetta er bara sölumennska þegar allt kemur til alls.

[Ingvar Valgeirsson, 24.4.2007 kl. 21:07]

Jú, ég veit að við gerum æði mörg upp á bak í gríni, en hennar var að mínu mati fyrir neðan allar hellur, sérstaklega þar sem hún er oft í forsvari fyrir femínista. Fólk í fyrsta sæti framboðslista verður líka að passa sig betur en aðrir.

Eníhjú, ég var að sjá þessar auglýsingar í miðbænum. Katrín lítur hreint ekki illa út, frekar en venjulega, Steingrímur er - eins og þú segir - eins og lassaróni, en Kolbrún Halldórs lítur út eins og Jókerinn í Batman! Arrrgh! Hún er ekki svona slæm, demitt (ósmekklegt grín, ég veit). 

[Ólafur Þórðarson, 24.4.2007 kl. 21:52]

Sölumennska. Einmitt. Eins og ég hefði sagt það sjálfur.

Mikill er máttur auglýsingavaldsins.

[Haukur Nikulásson, 26.4.2007 kl. 09:57]

Núna tveimur dögum síðar er ég að horfa á enn verri auglýsingar frá VG. Þessar smekklausu og sveitó auglýsingar eru ekki að gera sig því miður.