Er ykkur alvara á suðurlandi? Vitið þið ekki hvað siðblinda er?

Siðblindur einstaklingur þekkir ekki mun á réttu og röngu. Ef hann veit muninn finnur hann upp ástæður til að réttlæta þjófnað og mútuþægni og lítur á það sem uppbót á léleg laun.

Árni Johnsen er siðblindur og á ekkert erindi á þing. Jafn sorglegt og það að hann sé siðblindur eru þeir kjósendur Sjálfstæðisflokksins sem halda að hann sé "læknaður", eigi bara að fyrirgefa á kristilegan hátt og senda AFTUR Á ÞING! - Maður spyr bara í hófsamri einlægni: ERUÐ ÞIÐ HÁLFVITAR?

Til að vera dómbær á hvaða mann Árni hefur að geyma skulið þið lesa dóm hæstaréttar áður en þið greiðið þessum manni eða Sjálfstæðsflokknum atkvæði ykkar. Hann er bara jafngóður á þing eins og Steingrímur Njálsson í drengjaleikskólann! 

Sjálfstæðisflokkur bætir við sig tveimur þingmönnum í Suðurkjördæmi

Athugasemdir

[Heiða B. Heiðars, 22.4.2007 kl. 15:26]

Heyr!
þetta er náttúrulega sjúkt

[Púkinn, 22.4.2007 kl. 15:27]

Eins og Lao Tze sagði - sérhver þjóð fær þá leiðtoga sem hún á skilið.....

[Þorsteinn Ingimarsson (IP-tala skráð) 22.4.2007 kl. 16:04]

maður missir nú ekki svefn yfir þessu. D listinn toppar of snemma. Árni Matt. stóð sig illa á Bláskjá áðan ogreytir af sér  fylgið sjálfur. Látum hann bara tjá sig meira og oftar. Varðandi Samfylkingunna þá er stutt í 3 manninn sem kemur af D lista. Nú og svo var 4 maðurinn jöfnunarþingmaður og það gæti alveg gerst aftur.

[Haukur Nikulásson, 22.4.2007 kl. 17:03]

Innlegg Andra er gott og lýsandi fyrir þann hóp sem sér lítið athugavert við AJ. Viðhorf Andra er að aðgreina siðblindu Árna, sem er réttlætanlegri að hans mati, frá siðblindu Steingríms sem honum finnst viðbjóðsleg.

Að sjálfsögðu mótmæli ég þeim orðum Andra að ég sé svakalega ómálefnalegur og dónalegur, auk þess sem ég upplýsi einnig að ég skammast mín ekki fyrir að reyna að koma í veg fyrir að siðblindir dæmdir þjófar komist aftur á þing.

Mér sýnist einsýnt að Árni Johnsen verði þingmaður aftur og fái umboð til að vera okkur breyskum þegnunum góð fyrirmynd, með puttana í skömmtun almannafjár og setjandi okkur lög til að halda að viðlagri refsingu.

[Guðrún Þóra Hjaltadóttir, 22.4.2007 kl. 17:32]

Siðblinda flokkast að ég held undir geðsjúkdóma, það er öllu verra að ennþá hefur ekki fundist lækning við þeim sjúkdómi. Auðvitað hefði það breytt mörgu, enma ef hann hefði þurft að bíða kjörtímabilið á biðlista geðdeildar.

[Haukur Nikulásson, 22.4.2007 kl. 18:26]

Andri, það stóð "réttlætanlegri" en ekki réttlætanlegt. Á þessu er mikill munur. Þeir kjósendur sem ég á við eru þeir sem kusu Árna í prófkjörinu og þeir sem enn kjósa hann meðal frambjóðenda flokksins. Þetta er bara skoðun. Þeir sem kjósa dæmdan siðblindan einstakling eru hálfvitar vegna þess að þeir vita ekki hvað þeir eru að kjósa og verðskulda því þetta ávarp. Ég kveð viljandi sterkt að orði til að fá fólk til að hugsa. Þú a.m.k. gerir það. Steingrímur hefur líka afplánað dóm, á hann sama rétt og Árni? Eða er hann bara viðbjóðslegri í sinni siðblindu?

Stjórnmálaflokkur er ALLTAF minni en frambjóðendur hans. Hann er bara verkfæri fyrir fólk og hópa til að bjóða sig fram og á því engan tilverurétt einn sem slíkur. Með sömu rökum myndirðu segja að Nazistaflokkurinn í Þýskalandi hefði verið ágætur, ef Hitler hefði ekki komið þar við og spillt öllu! Kannski var hann það...

Andri, þú mátt vera þakklátur að vera greinilega ekki fórnarlamb siðblindu og ég tel að það sé ástæða þess að þú skilur ekki hvers vegna mér er það sérstakt og hugleikið áhugamál að slíkir menn fái ekki stuðning inn á Alþingi. Á meðan þú skilur ekki til fulls fyrirbrigðið siðblindu hefur þú bara hálft vit á því máli og kallast því... ok... full sterkt til orða tekið. En þú ættir að ná punktinum í þessu.

Hafir þú ekki náð því þá kaus ég Sjálfstæðisflokkinn í 30 ár af fullkominni trúmennsku, vann fyrir flokkinn á yngri árum og hef ennþá góða trú á flestu í stefnuskrá flokksins. Það er forystan sem er að upphefja með brögðum siðblinda menn, einkavinavæðing og almenn spilling og valdníðsla sem hefur hrakið mig út úr flokknum. Það er ekki verið að framfylgja stefnuskránni nema að litlu leyti og framtíðarsýn flokksins er mér hreint ekki að skapi, hvorki til manna né málefna að þessu sinni. 

[Haukur Nikulásson, 22.4.2007 kl. 18:36]

Guðrún: Siðblinda er ekki skilgreint sem sjúkdómur a.m.k. ennþá en viðurkennt sem "fyrirbrigði". Um leið og siðblinda verður viðurkenndur sem sjúkdómur verða allir glæpamenn saklausir vegna "geðröskunar". Þá má búast við að betrunarvist verði í alvöru "betrunarvist" vegna lækninga.

Ég finn til með siðblindum einstaklingum. Þeirra tilvera er ógeðsleg, ruglingsleg og full af óhamingju. Þessum mönnum er í alvöru vorkunn og það á að finna leiðir til að lagfæra þennan "kvilla". Þar til það tekst er ekki rétt að leiða svona einstaklinga til stjórnunarstarfa í samfélaginu. Á þessu hef ég mjög sterka skoðun.

[Ásthildur Cesil Þórðardóttir, 22.4.2007 kl. 19:02]

Þetta nær auðvitað út fyrir allan þjófabálk NOT !

[Jón Ingi Cæsarsson, 22.4.2007 kl. 19:40]

Gjalkeri sem er rekinn er ekki endurráðinn þó svo hann afpláni dóm. Hann hefur einfaldlega aktað með þeim hætti að hann er óhæfur til starfans og það lagast ekkert þó hann sitji inni....en það gildir víst annað með alþingismenn...

[Jón Ingi Cæsarsson, 22.4.2007 kl. 19:42]

Gjaldkeri sem er rekinn er ekki endurráðinn þó svo hann afpláni dóm. Hann hefur einfaldlega aktað með þeim hætti að hann er óhæfur til starfans og það lagast ekkert þó hann sitji inni....en það gildir víst annað með alþingismenn...

[Ingvar Valgeirsson, 22.4.2007 kl. 20:26]

Hefur virkilega engum dottið í hug sá möguleiki að strika yfir nafn Árna Johnsen? Veit um nokkra Sjalla sem ætla að gera það.

Jú, og Keli - ef þú ert að meina kjósendur Sjálfstæðisflokksins þegar þú segir "þetta rusl er siðblint og kýs eftir því" þá þakka ég fyrir.

Vil taka fram að ég er síður en svo hrifinn af Árna Johnsen og vil ekki sjá hann inni á þingi. Vildi þó að hann væri í mínu kjördæmi, þá gæti ég strikað yfir hann.

Haukur, ef þú ert svona mikið á móti Sjöllunum, hvernig væri ef þú segðir okkur þá hvað þér finnst eðlilegt að kjósa?

[Haukur Nikulásson, 22.4.2007 kl. 21:16]

Ingvar, ef ég segði það, mundir þú fara eftir því?

[Ingvar Valgeirsson, 22.4.2007 kl. 21:32]

Líklega ekki reyndar - en mér sýnist D vera illskásti kosturinn í stöðunni. Kjörseðillinn kemur til með að líta út eins og matseðill á ferlegu rottualandi veitingahúsi í ógeðfelldu fátækrahverfi í Kenýa - en eitthvað verður maður að éta, þó svo það sé ekki akkúrat það sem maður hefði viljað.

Ber þó að taka fram að ég er sjálfskipaður kosningastjóri þeirra, sem ætla að kjósa D í Suðurkjördæmi og strika yfir téðan krimma - þrátt fyrir að ég sé alls ekki í kjördæminu. Sé heldur engan sérstakan ókost við að strika yfir Gunnar Örlygs, en það er miklum mun minna mál.

Ég (ef mig skyldi kalla) þykist allavega vita um tvo flokka, utan Sjalla, sem þú kýst ekki. Jafnvel þrjá... þá eeru ekki margir eftir, nema þú takir þann pól í hæðina að skila auðu, sem er jú heiðarlegur valkostur. Var allavega lengi vel inni á borði hjá mér.

[Haukur Nikulásson, 22.4.2007 kl. 22:33]

Eins og staðan er nú Ingvar, kýs ég engan flokk. Bjóst við því sjálfur að vera hluti af framboði sem brást, eins og þú getur lesið um annarsstaðar á þessum síðum. Ég er því óháður eins og er þar sem Flokkurinn minn er ekki með í framboði. Kannski verður hann það eftir 4 ár og þangað til get ég leyft mér virka og hugsanlega skemmtilega stjórnarandstöðu með fullt leyfi til að plaffa í allar áttir.

Ég mæli með því að fólk kjósi það sem því hugnast best á augnablikinu í kjörklefanum. Fram að því mun ég benda á alla hugsanlega ókosti (og kannski kosti) þeirra framboða sem nú eru sýnileg. Ég mat Sjálfstæðisflokkinn það slæman að þessu sinni að ég treysti mér ekki einu sinni til að strika út frambjóðendur, vegna þess að formaður flokksins (ásamt öðrum) veitti hinum dæmda brautargengi til framboðs með klækjum þegar forsetinn fór í frí. Formaður flokksins er þess vegna utan við það sem ég get kosið og hann er áfram forsætisráðherraefni. Hann féll á mínu prófi þegar hann hjálpaði Árna Johnsen með virkum og eindregnum hætti til framboðs. Synd hjá þessum annars geðþekka manni.

[Svartinaggur, 22.4.2007 kl. 23:52]

Ég hef sjaldan verið jafn sammála og einmitt málshefjanda að þessu sinni varðandi Árna Johnsen. Í raun hef ég engu við að bæta. Haukur sagði allt sem segja þarf. Vildi bara koma þessu að. Var ekki fleira að sinni. Bið að afsaka truflunina

[Ásthildur Cesil Þórðardóttir, 23.4.2007 kl. 00:42]

Ég vil bara benda á í þessu sambandi að Árni hefur aldrei skammast sín fyrir brot sitt.  Honum finnst hann ekki hafa gert neitt rangt.  Er ég ekki búin að skammast mín nóg ? nægir fyrir mig til að sjá að maðurinn er gjörsamlega siðblindur.  Það fólk sem kýs þennan mann í næstu kosningum er alveg jafn siðblint og Árni.  Þeim finnst allt í lagi að slíkur maður sé endurráðin inn á þing og sé skipaður í allskonar ráð og nefndir.  Við slíka menn vil ég bara segja; Sækjast sér um líkir.

[Ingvar Valgeirsson, 23.4.2007 kl. 10:56]

Ég get verið sammála öllu sem sagt hefur verið hér um Árna - dettur ekki í hug að reyna að mæla honum bót. En þá má aftur benda á, fyrst menn tala um formann Sjallanna í þessu samhengi, að aðrir formenn virðast bara verri kostir sem forsætisráðherrar - ISG sýndi með veru sinni í brogarstjórastóli að hún á ekkert erindi í ráðherrastól - eða opinber embætti yfirleitt - og Steingrími treysti ég fyllilega til að ganga milli bols og höfuðs á vissum pörtum atvinnulífsins endanleg. Hvorki Ómar né Addikiddagau virðast eiga raunhæfa möguleika á að vera forsætisráðherrar.

Bendi aftur á yfirstrikunarmöguleikann.

[Örvar Þór Kristjánsson, 23.4.2007 kl. 15:35]

Ég er einn af þessum hálvitum.

Mun strika yfir Árna en kýs flokkinn sem er að mínu mati langbesti kosturinn. 

[halkatla, 23.4.2007 kl. 15:47]

rosalega sammála - ég var einmitt að tjá mig um þetta nákvæmlega sama á öðru bloggi! 

en ég hef líka verið kölluð allskonar ókristilegum uppnefnum fyrir að vera ekki yfir mig hrifin af herra Johnsen.... sumir virðast alveg hugfangnir af honum, t.d þau sem fóru á bakvið forsetann til þess að uppreisa æruna hans

[halkatla, 23.4.2007 kl. 15:49]

haukur, þessi andri er óttalega típískt fífl - no offense andri, þú tjáðir þig sjálfur...

[Ingvar Valgeirsson, 23.4.2007 kl. 16:06]

Hefur forsetinn tjá sig eitthvað um uppreist eyru Johnsens? Mér þætti gaman að heyra hans hlið á málinu, því margar kjaftasögurnar hefur maður heyrt.

Anyone?

[Haukur Nikulásson, 23.4.2007 kl. 16:12]

Ekki hef ég heyrt neitt. Held að hann muni ekki styggja neinn með einhverjum ummælum í þá veru. Finnst samt að fjölmiðlamenn hefðu átt að spyrja hann beint. Þeir þora það bara ekki í einhverjum aumingjaskap.

[Haukur Nikulásson, 23.4.2007 kl. 16:20]

Í framhaldi af þessari spurningu Ingvars sendi ég tölvupóst á forsetann:

Herra Ólafur Ragnar Grímsson,

Getur þú upplýst mig og þjóðina um það hvort þú hefðir veitt Árna Johnsen uppreista æru skv. þeirri heimild sem forsetinn hefur í hegningarlögum?

Handhafar forsetavalds skrifuðu undir þá beiðni í fjarveru þinni og fleirum en mér þætti fróðlegt að heyra hvernig þú hefðir brugðist við þessari beiðni.

[Guðsteinn Haukur Barkarson, 23.4.2007 kl. 16:27]

Góður pistill kæri nafni og ég tek undir þetta með Ólaf Ragnars, eins finnst mér koma úr hörðust átt þegar D-lista menn saka aðra um að vera ómálefnanlegir. Gott hjá þér Haukur, þú ert nafni okkar til sóma ! 

[Georg Eiður Arnarson, 23.4.2007 kl. 20:17]

Árni hefur skaðað okkur eyjamenn meira en flestir gera sér grein fyrir,í prófkjörinu sl haust þá var sjómönnum sagt að með því að kjósa Árna j þá gætu þeir hemt sín á Árna matt fyrir allt sem hann hefur skaðað þá með td kvótasetning á aukategundum. SF fólk fór og kaus Árna j eftir því sem mér er sagt til að koma af stað íllindum meðal íhaldsmanna. Ég tók ekki þátt í prófkjöri íhaldsmanna enda hvorki með áhuga á flokknum né stefnunni.

[Örvar Þór Kristjánsson, 23.4.2007 kl. 21:03]

Anna Karen segir..

haukur, þessi andri er óttalega típískt fífl - no offense andri, þú tjáðir þig sjálfur...

Mikið rosalega ertu málefnanleg.  Bitur.  Hvurs vegna  veit maður ekki en grunar margt.  Andri kom og svaraði vel og málefnanlega fyrir sig.  Andri fylgir eigin sannfæringu og styður flokkinn, Árna er hægt að strika yfir.  Svo er hann t.d ekki að verja Árna.  En eins og þú segir þú tjáðir þig sjálf.....

[Haukur Nikulásson, 23.4.2007 kl. 21:17]

Örvar: Við getum öll haft sterkar skoðanir og við eigum líklega flest okkar til að kveða sterkt að orði í hita leiksins. Þar er ég sjálfur ekkert undanskilinn. Þú ætlar þó að strika út Árna, ég get ekki annað en verið ánægður með það. Ég hef þó trú á að það muni ekki verða nógu margir til þess að halda honum frá kosningu, en það má reyna að fjölga þeim sem það gera.

Skoðanir Andra eru jafngildar okkar hinna þó við séum ekki sammála. Ég get ekki ætlað honum að hafa sterka skoðun á siðblindu hafi hann ekki orðið sjálfur fyrir barðinu á henni. Ég get bara reynt að hafa þessi áhrif með því að lýsa eigin upplifun. Hvernig getum við lýst t.d. nauðgun með sama hætti og fórnarlamb slíks verknaðar?

[Þorsteinn Valur Baldvinsson, 23.4.2007 kl. 21:42]

Við skulum ekki horfa fram hjá því að siðblinda er ákveðin tegund fötlunar, Árni skilur örugglega ekki hvers vegna fólk er honum andstætt, honum finnst hann ekki hafa gert rangt.

Hvað sem því líður, þá hefur hann afplánað sinn dóm, og á skilið annað tækifæri eins og allir menn.

 Sá yðar sem syndlaus er, kasti fyrsta steininum. 

Á morgun gætir þú lent í atburðarás sem þú réðir ekki við, hafðu það hugfast.

[Haukur Nikulásson, 23.4.2007 kl. 22:08]

Þorsteinn, þú ert í mótsögn við sjálfan þig. Ef Árni skilur ekki að hann hafi gert neitt rangt hefur afplánun dómsins ekki gert honum það neitt betur skiljanlegt eða hvað? Maður sem ekki skilur þetta á EKKI skilið annað tækifæri a.m.k. ekki til þingmennsku.

[Örvar Þór Kristjánsson, 23.4.2007 kl. 22:28]

Nákvæmlega Haukur.

Það verða margir sem strika yfir Árna, vittu til. 

[Ingvar Valgeirsson, 24.4.2007 kl. 11:04]

Mikið vona ég að þú hafir rétt fyrir þér, Örvar.