Andstæðingar VG hampa Sóleyju Tómasdóttur - hvers vegna?

Sóley Tómasdóttir er himinlifandi yfir því að vera boðið í Silfur Egils í dag. Skiljanlega, þar sem henni þykir sér sómi sýndur. Hún er samt að misskilja upphefðina og skilur ekki hvers vegna henni er boðið.

Egill Helgason býður Sóley í þáttinn af þessum tveimur helstu ástæðum: a) Hún talar gjarnan í fyrirsögnum og því eflaust skemmtilegt að fá hana og b) hún er svo öfgafull í feminískum skoðunum að hún skúrar burt hluta af fylgi VG í hvert skipti sem hún tjáir sig opinberlega. Þetta veit Egill og mun því brosa blítt til Sóleyjar þegar hún mætir.

Vera má að Sóley espi einhverjar konur til dáða en hún gulltryggir að flestir þeir karlmenn sem hana sjá og heyra munu ALDREI kjósa hana eða VG. Ég hef séð karlmenn taka undir málflutning hennar á bloggsíðunni hennar og ég veit satt að segja ekki undan hvaða pilsfaldi þeir koma sumir.

Sóley Tómasdóttir er EKKI málstað jafnréttisbaráttu kvenna til framdráttar á nokkurn hátt. Hennar málflutningur eykur bara stífnina á móti sem er miður. Sóley er nefnilega í stíl við háværa og heimtufreka krakka og maður lætur þá ekki hafa neitt fyrr en þeir stilla sig.

Athugasemdir

[Sigurður Karl Lúðvíksson, 22.4.2007 kl. 12:43]

Ég las bók um daginn sem heitir Blink, the power of thinking without thinking eftir Malcolm Gladwell. Þar var hann m.a að segja frá rannsóknum á samskiptum hjóna. Hjónin voru látin tala um eitthvað mál sem hafði verið á milli tannanna á þeim og fylgst var með líkamstjáningu þeirra. Ýmis atriði voru talinn til sem virtust sína það í samskiptunum að tiltekið par myndi ekki endast saman. Eitt atriði stóð þó upp úr.  Í ljós kom að pör þar sem annar eða báðir aðilarnir ranghvoldu augunum þegar þau voru að rökræða eitthvað, entust aldrei. Það var nánast gefið að ef a.m.k annar aðilinn í sambandinu sýndi hinum slíka varnvirðingu að ranghvolfa augunum í samræðum til að sýna vanþóknun sína á maka sínum, voru nánast undantekningalaust skilin innan nokkurra ára.  Þegar Sóley Tómarsdóttir kom fram í Silfrinu fyrst fyrir nokkrum mánuðum ranghvolfdi hún augun ótt og títt þegar aðrir voru að tala. Þvílík og önnur eins vanvirðing við viðmælendur. Ekki gæfusamt að vera í tygjum við hana ef maður tekur eitthvað mark á vísindarannsóknum.

[Katrín Snæhólm Baldursdóttir, 22.4.2007 kl. 17:09]

Sannar bara að það er ekki nóg að vera kona til að geta. Að það að koma fram fyrir stjórnmálaflokk og tala skynsamlega og án fyrirsagna eins og hún gerði í silfrinu í dag krefst einhvers allt annars en að vera af ákveðnu kyni. hefur ekkert með kyn að gera. Mér fanns Lýður flottur og Agnes snjöll.  En það er ekki ein fruma í mér sem trúir á að Sóley sé góður kostur..í framboði eða sem fyrirmyndarfeministi. Sorry.

[Katrín Snæhólm Baldursdóttir, 22.4.2007 kl. 17:11]

æ...datt út orðið EKKI sem breytir algerlega innihaldi setningarinnar...að koma fram fyrir stjórnmálaflokk.....og tala ekki skynsamlega og án fyrirsagna....

[Örvar Þór Kristjánsson, 23.4.2007 kl. 15:37]

Vil hafa frau Sóley sem oftast í Silfrinu... hvílík steik