35-38000 manns deyja árlega í bandaríkjunum af völdum skotvopna

Fyrir nokkrum árum kynnti ég mér tölfræði um dauðsföll í Ameríku og komst að því að skotvopn koma við sögu í dauða 35-38000 manns á hverju ári.

Séu þessar tölur heimfærðar til Íslands myndi þetta samsvara 35-38 dauðsföllum á hverju ári sem er talsvert fleiri en deyja hér af völdum umferðarslysa. Þetta þætti óþolandi tilhugsun hjá okkur.

Helsta ástæða þessa ófremdarástands í bandaríkjunum er að það er bundið í stjórnarskrána þeirra nánast frá upphafi að menn eigi rétt á að bera á sér vopn. Það er óhuggulegt að þeir hafa ekki kynnt sér hvað þetta vopnamál þeirra er mikið og stórt þjóðfélagsmein.  

Morðinginn í Virginíu var kóreskur námsmaður

Athugasemdir

[Pétur Guðmundur Ingimarsson (IP-tala skráð) 17.4.2007 kl. 14:13]

Þetta stjórnarskrárákvæði, sem þú nefnir þarna, er reyndar sundurtætt og margbrotið með lögum og reglum fylkja og alríkisstjórnar Bandaríkjanna.

T.d. bannaði þessi tiltekni skóli nemendum sínum og kennurum að hafa á sér vopn til sjálfsvarnar, þrátt fyrir að lög ríkisins heimiluðu það. Brot varðar brottvísun úr skóla.

Það varð auðvitað til þess að engin gat varist morðingjanum, engin gat nýtt sér sinn grundvallarrétt til sjálfsvarnar.

Það segir sig sjálft að ef skólinn hefði ekki haft þessar reglur, sem voru að vísu ætlaðar voru til þess að fólk héldi sig öruggt, og menn nýtt sér sinn rétt, hefðu ekki nærri því jafnmargið fallið og aftökur algerlega ómögulegar.

Ástæðan fyrir þessum fjöldamorðum er einfaldlega sú að fólk er algerlega berskjaldað og óvarið og því auðveld bráð fyrir glæpamenn í þessum hugleiðingum.

[Jens Guð, 17.4.2007 kl. 14:27]

  Ég man ekki hvort það er í Texas eða Florida - eða kannski báðum ríkjunum - sem heimilt er að drepa grunsamlegt fólk. 

  Getgátan um að fórnarlömb skotárásarinnar hefðu sloppið lifandi ef þau hefðu verið vopnuð byssum er óraunhæf óskhyggja.  Ef allir nemendurnir væru vopnaðir byssum má alveg eins leiða getum af að eftir að fyrstu skotum var hleypt af hefði brotist út allsherjar skotbardagi. 

  Það var ekki skortur á byssum í vösum nemenda sem gerði það að verkum að byssumaðurinn dundaði sér við að drepa samnemendur í tvo klukkutíma.  Þessi atburður er fjarri því að vekja upp meðmæli með almennri byssueign.  Þvert á móti.  Þetta er enn eitt dæmið um að byssur eru hættuleg leikföng.  Lífshættuleg. 

[storisterki (IP-tala skráð) 17.4.2007 kl. 15:11]

"Það varð auðvitað til þess að engin gat varist morðingjanum, engin gat nýtt sér sinn grundvallarrétt til sjálfsvarnar." Þetta er nú ansi vitlaus röksemd.    Ég get einhvern veginn ekki séð það fyrir mér að þegar sá kóreski rölti inn í skólastofuna og hóf skothríð, að einhverjir væru vopnaðir líkt og í villta vestrinu og myndu hefja skothríð á móti.   Reikna ekki með að þó fólk hafi leyfi til að ganga með skotvopn á skólalóð og í tímum að einhver nenni að nýta sér það. 

Held að það hefðu nú alveg jafn margir látist þó meðferð skotvopna væri leyfð á skólalóðinni. 

[Ingvar Valgeirsson, 17.4.2007 kl. 15:12]

Það er mikill útúrsnúningur að í Texas (ekki Flórída) megi drepa grunsamlega. Í Texas máttu skjóta ætlaðan árásarmann ef hann er inni á landareign þinni, vopnaður - en þetta vissirðu eflaust.

Auðvitað eru meiri líkur á að fórnarlömbin hefðu lifað af ef þau hefðu getað verið sig - segir sig sjálft.

Ástralir gerðu skurk í sínum byssumálum fyrir nokkrum árum og bönnuðu sirka allar skammbyssur. Afleiðingin varð sú að byssuglæpum fjölgaði talsvert, enda löghlýðið fólk berskjaldað gagnvart glæpamönnum, sem höfðu ekki jafnsamviskusamlega skilað inn skammbyssum sínum. Í Kanada er byssueign mjög almenn, en samt eru glæpir, tengdir skotvopnum, mun sjaldgæfari þar en í BNA.

[Pétur Guðmundur Ingimarsson (IP-tala skráð) 17.4.2007 kl. 15:39]

Það eru svipaðar reglur sem gilda hérna á Íslandi og í Bandaríkjunum um sjálfsvarnarréttin.
Ég hef meiraðsegja heyrt einn af okkar virtustu lagaprófessorum benda á að það kunni að vera refsilaust að vega mann sem brýst inn á heimili manns. Það fer hinsvegar náttúrúlega eftir aðstæðum, þannig að það er munur á óvopnuðu barni eða veiklulegum einstaklingi sem brýst inn og fílefldum vopnuðum manni sem gerir hið sama.

Hvað varðar ummæli Jens Guðs og storasterka um það að sjálfvarnarréttnum verði ekkert frekar beitt hvort menn hafi til þess skotvopn til varnar eður ei, lýsir mikilli vanþekkingu á staðreyndum mála. Það koma nefnilega upp fjölmörg atvik árlega þar sem skotvopnum er beitt í sjálfsvörn þannig að komið er í veg fyrir morð, nauðganir eða aðra glæpi.

Það er hinsvegar svo, að þessi fjölamorð eins og þetta tiltekna, eiga sér eingöngu stað á stöðum þeim sem eru að kalla vopnlausir og þar með varnarlausir. Meintur tilvonandi morðingi sem veit að honum verður ekki veitt neitt viðnám þarf ekki að hugsa lengra, en viti hann að t.d. bara einn eða tveir nemendur eða kennarar kunni að geta varist árásinni hlýtur sá hinn sami að velta fyrir sér afleiðingum slíkrar árásar á hann sjálfan. Þetta er kallað fælingarmáttur.

Þannig að þetta liggur í augum uppi fyrir þá sem geta opnað augun og vilja sjá hvað raunverulega er á seyði.

[Brynjar (IP-tala skráð) 17.4.2007 kl. 15:53]

Það er bara innbrennt í bandarískt samfélag að nota byssur, þetta er eins og sagt er að ef lögreglan hérna fer að ganga með vopn almennt fer glæpamaðurinn að gera það líka. Að halda því fram að þessi maður hefði ekki gert þetta ef hann grunaði að hann myndi mæta aðilum sem væru vopnaðir er bara bull. Það tekur óðan mann að fremja sona verknað og í því ástandi hikar hann ekki, hann frekar fær sér bara öflugari vopn og fær sínu fram. 

Það eru alltaf aðilar sem vilja og meina íllt, þessir aðilar nota sér það sem þeir komast í, með því að hafa eins auðvelda aðgengni í skotvopn eins og er í bandaríkjunum aukast líkur til mikilla muna og auðvelda að þeim verði beitt.

Á tímum nútíma samfélags er algerlega engin þörf fyrir skotvopn, einu aðilar sem þau ættu að hafa eru lagana verðir og þá aðeins í samfélagi sem notkun skotvopna er algeng meðal glæpamanna. Þessi algenga morðtíðni og glæpatíðni í bandaríkjunum má beint rekja til þess hversu auðveld aðgengni að skotvopnum ýtir undir notkun hennar.

Ef aðili í annarlegu ástandi eða sem er búinn að gera það upp við sig að fremja glæp hefur auðvelda aðgengni að byssum er nánast víst að hann notar hana.

[Haukur Nikulásson, 17.4.2007 kl. 16:58]

Ég held að við gerum okkur öll grein fyrir því að hér er um sjúkan einstakling að ræða. Það sem gerir hann hins vegar hættulegri þar en hér er sú staðreynd að byssueign sé jafn almenn og raun ber vitni.

[iris (IP-tala skráð) 17.4.2007 kl. 18:00]

Ingvar Valgerisson ég vil endilega spyrja þig hvað fær þig til að segja að byssueign í Canada sé algeng! Ég bjó í Canada í langan tíma og vissi bara um bændurog/eða veiðimenn sem áttu byssur. Langt í frá að það geri byssueign "algenga"! Canadamenn tala um þetta sjálfir hvað Bandaríkjamenn séu brjálaðir í sinni byssueign og hversu auðvelt sé að verða sér úti um byssu. Ef þú spyrð Canadamann um hvort að það sé algengt að eiga byssu í Canada færðu örugglega varið nei. 

[Anton (IP-tala skráð) 18.4.2007 kl. 01:02]

Svona voðaverk gerast ekki bara í BNA.  Undarlegt hvað fólk hleypur til án þess að kynna sér grundvallaratriði.  Sýnir ykkur hvað varhugavert er að dæma hluti út frá því hve mikla fréttaúthlutun þeir fá.

(Reuters) -- At least 33 people were killed at Virginia Tech Monday in the deadliest campus shooting in U.S. history, but such incidents have occurred at schools and universities elsewhere in the world. Here is a list of some from recent years:December 1989, Canada: Marc Lepine, 25, stormed Montreal's Ecole Polytechnique, killing 14 women. Four men and eight other women were injured before Lepine turned the gun on himself.March 1996, Britain: A gunman burst into an elementary school in Dunblane in Scotland and shot dead 16 children and their teacher before killing himself.March 1997, Yemen: A man with an assault rifle attacked hundreds of pupils at two schools in Sanaa, killing six children and two other people. He was sentenced to death the next day.June 2001, Japan: Mamoru Takuma, armed with a kitchen knife, entered the Ikeda Elementary School near Osaka and killed eight children. Takuma was executed in September 2004.February 2002, Germany: In Freising, in Bavaria, a former student thrown out of trade school shot three people before killing himself. Another teacher was injured.April 26, 2002, Germany: In Erfurt, eastern Germany, a former student opened fire at a high school in revenge for being expelled. A total of 18 people died, including the assailant.September 2004, Russia: At least 326 hostages -- half of them children -- died in a chaotic storming of a school in Beslan after it was seized by rebels demanding Chechen independence

[Svansson, 18.4.2007 kl. 11:47]

Það er augljóst mál að hann hefði aldrei náð að drepa svona marga hefðu strangari lög um vopnaeign gilt í Bandaríkjunum. 

http://svansson.blog.is/blog/svansson/entry/181216/

[Rúnar Óli Bjarnason, 18.4.2007 kl. 14:26]

Það skal tekið fram að í District of Columbia, höfuðstað Bandaríkjanna, var byssueign stranglega bönnuð til fjölda ára og reyndist það ekki betur en svo að morðtíðni hefur aldrei né hvergi verið hærri en einmitt þau ár á þeim stað.

Morðóðir brjálæðingar eru lítið að kippa sér upp við hvort byssurnar sem þeir nota séu bannaðar eða ekki.