Dagastrekkjari úr BYKO - Föstudagurinn laaaaangi

Það var boðið upp á kvikmyndaveislu í gær. Sóttar voru fjórar nýlegar myndir á leiguna. Til að dagurinn yrði nógu langur var föstudagurinn langi settur í dagastrekkjara frá BYKO og svo var horft á bíómyndir fram á nóttina.

• The Devil wears Prada: Of lítið efni til að bera uppi kvikmynd. Meryl Streep er samt alltaf áhugaverð leikkona og hún vinnur vel úr lélegum efnivið. Það er bara ekki nóg. (*)
• The Queen: Áhugaverð mynd um vikuna eftir dauða Díönu prinsessu. Helen Mirren er afar sannfærandi í hlutverki drottningarinnar. (***)
  
• Casino Royale: Örugglega í lagi fyrir Bond aðdáendur. Miðkaflinn í myndinni við spilaborðið er nú hreint út leiðinlegur. Sumir á heimilinu voru ekki sáttir við nýja Bond-inn. (**)
• Friends with money: Einhver leiðinlegasta stjörnum prýdda mynd sem ég hef séð. Sagan og handritið tóm flatneskja. Má eiginlega kalla svona must-not-see kvikmynd. Horfið frekar á hár vaxa! ()

Þá er fyrsta kvikmyndagagnrýni mín birt.

Athugasemdir

[Ingvar Valgeirsson, 7.4.2007 kl. 11:15]

Eina sem ég hef séð af þessu í heild sinni er Bond. Það finnst mér besta Bond-myndin síðan fyrir ´70. Gafst upp á The Queen, því þó svo Mirren sé æðisleg leikkona og frábær í hlutverkinu, þá bara tókst þessari mynd að næstum drepa mig úr einskærum leiðindum á nokkrum mínútum.

Hlakka mikið til að missa af hinum tveimur.

[Svartinaggur, 7.4.2007 kl. 17:03]

Mér fannst lítið til Casino Royale koma. Ma'r er kannski of mikill fortíðarfíkill, en í mínum huga stendur From Russia with Love ætíð upp úr af Bond-myndunum. Hef í hyggu að sjá The Queen við fyrsta tækifæri.