Vinstri græn tóku þátt í þjófnaði úr ríkissjóði

Ég þreytist seint á að benda á þversagnir í framburði þeirra stjórnmálamanna sem halda því fram að nýju lögin um fjármál stjórnmálasamtaka hafi yfir sér eitthvert yfirbragð heiðarleika og ráðdeildar. Þeir ákváðu það eitt í sameiningu að nenna ekki lengur að taka við og fela spillingarfjármagn frá stórfyrirtækjum og ríkum einstaklingum.

Núverandi þingflokkar ákváðu í sameiningu að stela (með lagasetningu) nærri 5 milljónum á hvern einasta þingmann á ári til að tryggja endurkjör þeirra. Þetta er hátt í að vera jafn há upphæði og þeir fá útborgað í laun. Ný framboð fá ekkert og eru auk þess skuldbundin til að þiggja ekki meira en 300.000 krónur frá  hverjum lögaðila.

Það er sniðugt að setja þessar hömlur á ný framboð á sama tíma og þingflokkarnir lögfesta að ríkissjóður brjóti sjálfur þessa meginreglu um 300.000 kallinn þeim sjálfum til handa!

Bókhald stjórnmálaflokka á að vera öllum opið að mati VG

Athugasemdir

[Halldór Fannar Kristjánsson, 6.4.2007 kl. 13:31]

VG teljast nú nánast til hryðjuverkamanna með sína stefnu og hörðu sókn að lýðræðinu og mannréttindunum!

[Lára Stefánsdóttir, 6.4.2007 kl. 13:38]

Hvaða nýju framboð? Það hafa ekki birst neinir framboðslistar frá nýjum framboðum. Hinsvegar má alveg fallast á að það er ekki réttmætt þegar framboð er löglega komið fram að það fái engan stuðning til framboðs.

[Haukur Nikulásson, 6.4.2007 kl. 14:03]

Lára, þú misskilur mig. Ríkið á ekki að styrkja nein stjórnmálasamtök.

[Ingi Geir Hreinsson, 6.4.2007 kl. 15:32]

Það sem þingmenn virðast kunna best er að skara eld að eigin köku. Þar er þeim enginn fremri. Síðan þarf auðvitað að setja samkeppnishöft á nýja flokka sem gætu svift þá forréttindunum og komið þeim út af þægilegasta vinnustað landsins.

[Lára Stefánsdóttir, 6.4.2007 kl. 21:55]

Alþingi eins og ég þekki það er ekki þægilegasti vinnustaður landsins en það er líklega eitt af því sem fólk vill ekki heyra. Auðvitað eru til þar menn sem mættu vera duglegri í vinnunni en þeir eru tiltölulega fáir og fólk hefur það í hendi sér að láta þá fara. Mér finnst sjálfri að þar mætti skipulag vinnutíma vera betra, skipulag á störfunum ljósara lengra fram í tímann og láta þingið frekar starfa lengur og hafa þá meira svigrúm til að vinna heima í kjördæminu á meðan þingið starfar frekar en að taka þetta í skorpum ég held að vinnubrögðin yrðu markvissari.