Félagaskrá Sjálfstæðisflokksins er stærsta flokkslygin!

Þann 17. desember s.l. sendi ég framkvæmdastjóra Sjálfstæðisflokksins formlega úrsögn mína úr flokknum.

Í gær horfði ég að boð Sjálfstæðisflokksins um að mæta á setningu landsfundar og hef því fengið endanlega staðfestingu á því sem ég hef talið mig vita í mörg ár að félagaskrá þessa flokks er ein risastór sjálfsblekking.

Staðreyndin er nefnilega sú að mjög fáir greiða raunverulegt félagsgjald til flokksins og nöfnin eru fengin í skrána með því að starfandi félagar skrá samviskusamlega niður alla þá sem hugsanlega kjósa flokkinn. Ég tók sjálfur þátt í þessu starfi á síðustu öld. Sjálfur hef ég aldrei greitt félagsgjald en fengið flokksfréttir og ýmislegt sent þrátt fyrir það og verið lengi titlaður fulltrúaráðsmeðlimur óumbeðið.

Félagaskrá Sjálfstæðisflokksins sem slík er lygi. Það sem er rétt, er að skráin þeirra er listi yfir mögulega stuðningsmenn í kosningum og ekkert meira.

Mér þætti rétt að einhver á flokksskrifstofunni staðfesti með athugasemd hér að ég hafi verið strikaður út af skránni. Það tókst greinilega ekki að gera það með beinum tölvupósti til framkvæmdastjóra flokksins, sem trúlega er of upptekin við að telja kosningastyrkinn frá ríkissjóði til að sinna svona mjálmi. 

Athugasemdir

[Ingvar Valgeirsson, 4.4.2007 kl. 14:30]

Já, mér skilst að þeir séu langt í frá þeir einu sem stundi þessa iðju. Félagi minn var skráður í Samfylkinguna og gott ef hann kaus ekki á síðasta flokksþingi, þrátt fyrir að vera ekki á landinu og hafa aldrei kosið nokkurn skapaðan hlut.

[Ingi Geir Hreinsson, 4.4.2007 kl. 17:46]

Ertu að segja að þetta sé eins og að fá kynsjúkdóm, það þurfi einhvers konar inngrip og meðferð til þess að ná sér?

[Haukur Nikulásson, 4.4.2007 kl. 18:13]

Nei, Ingi, verum nú aðeins hófsamari í orðavali en þetta. Líklega er þetta bara tregða við að sinna því smáatriði að finna nafnið mitt í skránni og ýta á DELETE.

[Haukur Nikulásson, 4.4.2007 kl. 22:35]

Hvað áttu við Þrymur? Gáð að hverju?

[Ásthildur Cesil Þórðardóttir, 5.4.2007 kl. 08:57]

Amma mín skráði mig í kvenfélag Sjálfstæðiskvenna fyrir um.,b, 50 árum, ég er ennþá að fá bréf um að mála Valhöll og svoleiðis.   Ætli hún fái ekki bréf líka upp í himininn.

[Ingi Geir Hreinsson, 5.4.2007 kl. 09:24]

Ég bara spurði, eins og mér einum er lagið. Ég fullyrti ekki neitt, bara lagði út frá þínum orðum.

[Haukur Nikulásson, 6.4.2007 kl. 09:48]

Þetta er í góðu lagi Ingi. Ég er búinn að skoða bloggsíðuna þína og sé hvernig stíllinn er. Ekki breyta neinu þar um!