Óþolandi yfirlæti Ingva Hrafns Jónssonar á útvarpi Sögu

Ingvi Hrafn Jónsson fór mikinn á útvarpi Sögu. Kallar Ómar Ragnarsson "vin sinn" en segir hann samt í "sorglegri" stöðu og vera í kjánaskap með væntanlegu framboði sínu. Margrét Sverrisdóttir er "frekjudós" sem hafi ekkert fylgi. Jakob Frímann vilji enginn í pólitík og hann eigi bara að vera "Stuðmaður".

Ingvi Hrafn hélt áfram og úthúðaði Arndísi Björnsdóttur, Arnþóri Helgasyni og fleirum, sem hafa hug á framboði aldraðra. Kallaði hann allt þetta lið "lúsera" og óánægjulið sem fengju mjög takmarkað fylgi.

Allir nema Sjálfstæðismenn eru óalandi og óferjandi og Geir Haarde afgreiðir sín mál af "tærri snilld".

Ingvi Hrafn er ómerkileg manngerð, snobbhænsni og hrokagikkur sem sér heiminn bara í svart-hvítu. Það virðist mikið vanta upp á manngæsku þessa orðháks. Hún nær bara til hans nánustu og Sjálfstæðisflokksins. Yfirlætistónninn í honum er í meira lagi ógeðfelldur og hann er umtalsillur með afbrigðum. Myndi hann þora að tala svona beint framan í fólkið sem ég taldi hér að ofan?

Með kjafthætti sínum veitir hann mönnum eins og mér þann rétt að hafa óritskoðaða skoðun á honum og persónu hans. Hann á meira inni en þetta!

Hann líklega einn öfgafyllsti hægri maður sem fundist hefur á Íslandi og er þá miklu til jafnað með menn eins og Hannes Hólmstein Gissurarson ennþá á landinu.

Betra væri að hann skírði einkafjölmiðilinn sinn nafni sem hæfði betur: "Mykjudreifarinn" í stað ÍNN sem enginn veit hvað er. Sem betur fer verður þessi fjölmiðill hans hulinn flestum. 

Því meira og betur sem Ingvi Hrafn úthúðar nýjum framboðum, þeim mun meira fylgi munu þau fá. Það tekur enginn lengur mark á bullinu í honum. Almættið hjálpi íhaldinu, að hafa svona talsmann!

Athugasemdir

[Haraldur Haraldsson, 7.3.2007 kl. 11:23]

Já Haukur þarna er eg sko á sama máli/maðurin fer offari og það er engum til framdáttar/Halli Gamli P/S hvernig nær maður þessari stöð hans!!!!

[Jóhannes Ragnarsson, 7.3.2007 kl. 11:35]

Ef ég á að segja eins og er, þá finnst mér Ingvi Hrafn varla þess virði að um hann sé rætt.

[Haukur Nikulásson, 7.3.2007 kl. 12:10]

Halli, mér skilst að þú þurfir að vera inn á breiðvarpi Símans eða Digital Ísland eða eitthvað þess háttar sem ég er ekki lengur með.

[Ólafur Als, 7.3.2007 kl. 13:38]

Sleggjudómar Yngva Hrafns eru honum sjaldnast til sóma og óþarfi að taka þátt í slíkum slag. Hér á þessu bloggi hafa verið sett fram sjónarmið sem kalla á hófsemi og skal tekið undir slík orð. Pillan gagnvart Hannesi sýnir e.t.v. að ekki er fullur skilningur á ýmsu sem sá maður hefur viðrað en flest hefur það verið án öfga. Hins vegar hefur hann kynnt nýstárleg sjónarmið eða nálganir, sérstaklega á árum áður, sem óþarfi er að draga í dilk með öfgafullri hægristefnu. Á árum áður lögðu vinstri menn Hannes í einelti vegna þess að þeim gekk oft illa í rökræðu við hann og réðust m.a. að persónu hans og báru út óhróður um hann. Uppnefningar voru m.a. þeirra yndi. Vonandi ert þú ekki kominn í þennan hóp Haukur.

[Haukur Nikulásson, 7.3.2007 kl. 14:35]

Hannes Hólmsteinn á rétt á sínum skoðunum. Við þurfum ekki endilega að vera sammála um leiðirnar að betra lífi. Hannes hefur bara aðrar skoðanir og mér finnast margar hverjar ekki hófsamar og finnst þær þess vegna öfgasinnaðar, miðað við mínar.

Yngvi Hrafn, er vegna skorts á almennri háttvísi, á öðru plani en nánast allir aðrir. Ég mun ekki agnúast frekar út í hann en orðið er. Ég er að átta mig á því að rétt sé að hlýta ráðleggingum Jóhannesarw hér í Aths. 2.