Niðurlag fréttarinnar er bull - Hvar er ritstjórnin á þessu?

"Af hverju er hálfsextugur maðurinn einn íslenskra tónlistarmanna að berjast fyrir umbótum í samfélaginu?"

Mér finnst sjálfsagt að menn hrósi Bubba fyrir hans framtak. Mér finnst hins vegar Hörður Torfason og margir fleiri fá hér kaldar kveðjur fyrir sína margra vikna baráttu á Austurvelli með þúsundum annarra.

Ég skil ekki lengur hvernig sumir blaðamenn skrifa. Þeir eru orðnir alltof margir sem sjá ekki upp úr tunnunni þegar þeir fjalla um málin.

Alltaf má treysta á Bubba Morthens

Athugasemdir

[Georg Birgisson, 11.2.2009 kl. 08:51]

Ég skildi niðurlagið sem "hvar eru yngri tónlistarmennirnir" þ,e. arftakar. Hörður er í svipuðum aldurshóp og Bubbi og það er hæpið að kalla hann arftaka Bubba.

[Stefán (IP-tala skráð) 11.2.2009 kl. 09:41]

Aðrir í EGO eru að vísu eitthvað yngri en Bubbi. Það ættu að vera skipulagðir hávaðasamir hljómleikar við Seðlabankann á hverjum morgni þar til Davíð hefur endanlega verið komið þaðan út.  Ég skora á allar ,, hugsandi hljómsveitir " að taka sig nú til og spila þarna ef veður leyfir. En hvar í ósköpunum hefur meistari Megas haldið sig síðustu mánuði ?

[Kristján Logason, 11.2.2009 kl. 09:49]

Af því að blaðurmaðurinn hefur ekki verið á staðnum þá þegar mótmæli hafa verið veit hann ekki um alla hina tónlistamennina sem barið hafa bumbur og pottlok.

Hins vegar hefði verið gaman að sjá opinbera tónleika yngri hljómsveita gegn ástandinu svona eins og var í gamla daga en margir þora ekki að leggja nafn sitt við slíkt þar sem þeir óttast framtíð sína með slíkum gjörningi. Þannig er nú komið fyrir áhrifum þöggunarsamfélagsins.

[Guðmundur Ásgeirsson, 11.2.2009 kl. 10:14]

Hvað með Björk og nýsköpun, Sigur Rós og náttúruvernd, eða nokkra af bestu trommuleikurum landsins sem tóku sig saman í mótmælunum við Alþingi um daginn, og fagnaðartónleika byltingarinnar þar sem XXX Rottweiler hundar voru aðalnúmerið ásamt fleiri "unglingahljómsveitum"? Þau eru öll yngri en bæði Bubbi og Hörður, með fullri virðingu fyrir þeim báðum.

[Björgvin Gunnarsson, 11.2.2009 kl. 10:41]

fréttin er í heild sinni kjaftæði, mætti halda að Bubbi sjálfur hafi skrifað hana. Þessir "tónleikar" sem Egó hélt er gott dæmi um dulbúna auglýsingu en þeir eru að gefa út 17 laga disk en öll lögin fjalla víst um byltinguna. Bubbi tók sjálfur mjög mikinn þátt í þessu peningaæðiskjaftæði og ef ég man rétt (ef þetta er rangt má einhver endilega leiðrétta mig) þá auglýsti Bubbi sjálfstæðisflokkinn í sjónvarpinu fyrir síðustu kosningar. Tækifærissinni er réttnefni. Fyrir utan það þá er kommentið fyrir ofan mig mjög gott.

[Ásthildur Cesil Þórðardóttir, 12.2.2009 kl. 12:23]

Æ svona klúður er ekki bjóðandi í fjölmiðlum. 

[Ingvar Valgeirsson, 12.2.2009 kl. 15:04]

Mér finnst nú ekki góð blaðamennska að taka svona skýlausa afstöðu, þ.e. kalla það að berjast fyrir umbótum þegar menn mótmæla einu eða öðru. Fréttamennska á að vera hlutlaus, en hefur ekki verið það síðustu mánuði.

Sá eða sú sem skrifar þessa frétt ætti seint að fá að skrifa aðra.