Bloggfærslur mánaðarins, júlí 2009

Hefði Jón Ásgeir komist að sem forsíðufrétt?

Það er sorglegt að menn verði gjaldþrota. En það er hins vegar ljóst að Mogganum er verulega óljúft að segja frá þessu enda er hér um að ræða mann sem átti blaðið og starfsmenn þess.

Hann er samt sá sem valdið hefur þjóðinni hvað mestum skaða og er ábyrgur fyrir hruninu að stórum hluta.

Mörgum hefur þótt Björgólfur hinn geðþekkasti maður en það gerir ábyrgð hans ekkert minni þrátt fyrir allt.

Ég tel að Jón Ásgeir hefði hins vegar fengið forsíðusess og verið baðaður upp úr gjaldþrotinu. Mogginn velur vandlega á hvaða bása menn og málefni eru settir.


mbl.is Björgólfur gjaldþrota
Tilkynna um óviðeigandi tengingu við frétt

Alltof lág laun til að tryggja viðunandi frammistöðu

Þessi laun voru greinilega alltof lág. Hefðu þau verið hærri hefði fengist betra fólk til að stýra þessum málum í bankakerfinu.

Sömuleiðis virðist sem stjórnvöld hafi verið með sömu röngu stefnuna með laun æðstu manna í Seðlabanka og Fjármálaeftirlitinu. Alltof lág laun. 


mbl.is 270 bankamenn með yfir milljón
Tilkynna um óviðeigandi tengingu við frétt

Mokað yfir grátlega niðurlægingu

Það er sorglegt að horfa upp á hvernig Jóhanna reynir að bera sig mannalega eftir þá niðurlægingu sem felst í því að þeir segja eiginlega öllum öðrum en henni að þeir ætli sér ekkert að gera í þessu lánamáli úr þvi að ekki var hunskast til að samþykkja Icesave ábyrgðina.

Ég trúi ekki öðru en að Jóhanna muni brátt þurfa að viðurkenna fyrir sjálfri sér að AGS er að hafa hana að virðingarlausu fífli.

Í hennar spörum væri ég sármóðgaður og bálillur og samt þykist ég vita að hún hafi jafnvel meira skap en ég!

Hvað skyldi Jóhanna þola þetta betlarahlutverk lengi?


mbl.is Vonast eftir láni í lok ágúst
Tilkynna um óviðeigandi tengingu við frétt

Er Jógrímur fáviti eða lygari?

Mér finnst ljótt af mér að setja fram ofangreinda spurningu, en því miður á hún rétt á sér.

Þau Jóhanna og Steingrímur hafa ítrekað haldið því fram að fyrirgreiðslan frá AGS tengdist ekki Icesave málinu.

Má spurningin í fyrirsögninni standa sem fullkomlega málefnaleg þótt ljót sé?


mbl.is Afgreiðslu AGS frestað
Tilkynna um óviðeigandi tengingu við frétt

Ísland verði eitt umdæmi í öllum málum

Hugsið ykkur hvað mætti spara með því að gera landið að einu umdæmi í öllum málum?

Landið í heild sinni er jafn fjölmennt og sæmilegt hverfi í London eða Amsterdam. Hvers vegna þarf alla þessa ofstjórn?

Við getum sleppt því að vera með sveitarfélög, landið verður eitt kjördæmi og sparnaðurinn sem af þessu hlýst fyrir utan skilvirkni stjórnkerfis kæmi margfalt til baka. Ef skipuleggja ætti samfélag frá grunni dettur þá einhverjum í hug að núverandi skipulag yrði fyrir valinu?

Nú þegar fátæktin er að hvolfast yfir okkur veitir ekki af nýjum sparnaðarráðum.

Þetta er bara eitt þeirra!


mbl.is Ísland verði eitt lögregluumdæmi
Tilkynna um óviðeigandi tengingu við frétt

Efnahagslegar refsi- og þvingunaraðgerðir

Það virðist flestum, nema stjórnvöldum, ljóst að AGS og ESB eru að beita íslendinga hörðustu þvingunaraðgerðum sem hægt er. Allt í þeim tilgangi að knésetja okkur undir vald ESB sem og það kreista út úr okkur alla þá fjármuni sem hægt er að vinda úr einni þjóð næstu 15-20 árin.

Maður fær gegnheila ógeðstilfinningu vitandi af Össuri eins og slefandi rakka utan í kommissörum Evrópusambandsins.

Mér til mikillar armæðu verður undirlægjuháttur og ræfildómur núverandi stjórnvalda til þess að við missum allt sjálfsforræði og fullveldi.

Við eigum að gefa skít í þetta, staldra við og leita annarra lausna. Það liggur ekkert á að fremja á sama tíma bæði efnahagslegt og stjórnmálalegt sjálfsmorð heillar þjóðar af því að einhverjum útlendingum liggur á.


mbl.is Bagalegt ef fyrirtaka AGS tefst
Tilkynna um óviðeigandi tengingu við frétt

Hélt dauðahaldi á miða í beinaberum höndunum...

Eitthvað hljómar ekki alveg rétt með þessa beinagrind. Vísindamenn og fornleifafræðingar vilja gjarnan hafa allt eldra og flottara en það er í raun og veru.

Þegar farið var að rannsaka nánar þessa beinagrind komust rannsakendur að því að hann hélt dauðahaldi á miða í holdlausum höndum sínum. Eftir að hafa losað hann varlega á löngum tíma blasti við sannleikurinn: Þetta var innleggskvittun á Icesave reikning...

Þetta staðfesti að sjálfsögðu að hollendingurinn hefði ætlað að synda til Íslands til að ná í innistæðuna sína.


mbl.is Elsta mannabein sem fundist hefur neðansjávar
Tilkynna um óviðeigandi tengingu við frétt

Ráðaleysi til endurreisnar kaffært í ESB aðildarkjaftæði

Ég hitti varla nokkurn kjaft sem ekki er bálreiður yfir ráðaleysi þeirra þriggja ríkisstjórna sem hér hafa setið eftir hrunið. Ekkert af þessu liði er að þjást með hinum almenna launamanni og hafa verið alltof lengi áskrifendur að mannsæmandi launum sem þingmenn og ráðherrar.

Sammerkt með þeim öllum er að horfa til falsaðra og gamalla meðaltala úr hagtölum sem segja nákvæmlega enga sögu um raunverulega stöðu venjulegs fólks sem þúsundum saman íhugar að yfirgefa landið og leita á vit annarra tækifæra. Fyrr frýs í helvíti en að hægt verði að gera upp Icesave dæmið byggt á þjóðarframleiðslu.

Það er meira en lítil alvarleg villuhugsun í þessu. Þjóðarframleiðsla undanfarinna ára innihélt allar biluðu lántökurnar á árum áður og því mun þjóðarframleiðsla hrynja í tölur sem við eigum enn eftir að býsnast yfir.

Ísland var aldrei rík þjóð - Það er stóra lygin - HÚN SKULDAÐI ÞETTA ALLT!

Af þessum sökum er yfirlýsing um þjóðargjaldþrot orðin með betri kostum í stöðunni. Þó að það þýði að við fáum ekki lán, verðum að hluta útskúfuð, töpum einhverjum eignum erlendis og þurfum að stunda sjálfsþurftarbúskap, þá hef ég meiri trú á því að vinna okkur upp úr því heldur en borðlagðri a.m.k. 20 ára fátækt.

Þetta virðist nú vera eina færa leiðin til að gera eitthvað sem er nógu risavaxin aðgerð í sjálfu sér til að losna frá risavöxnu hruni. Hún myndi a.m.k. tryggja að við hefðum yfirráð yfir auðlindunum því það er ekki hægt að taka þær upp í skuldir.

ESB umræðan mun drepa öllu á dreif næstu árin í aðgerðarleysi ráðalausrar stjórnar. Hjá þeim á ESB aðild að redda öllu. Skemmtilegar ranghugmyndir það!


mbl.is Styður ESB-umsóknina eindregið
Tilkynna um óviðeigandi tengingu við frétt

Rífur svolítinn kjaft... en samþykkir svo að borga Icesave

Auðvitað veit Steingrímur nákvæmlega hvernig á að bregðast við þessu. Til dæmis svona:

Kannski hringir hann í utanríkisráðherra Hollands og segir honum kurteislega að hann verði að fordæma ummæli hans hér heima nægilega mikið til að geta þröngvað þessari ríkisábyrgð upp á þjóðina. Þetta verði fjaðrafok í 2-3 daga svo sé það búið.

Hvað svo sem Steingrímur segir nú verður það ekki til þess að það opni augu hans fyrir því fjárhagslega stórslysi sem hann er um það bil að valda þjóðinni.


mbl.is „Loftfimleikar til heimabrúks“
Tilkynna um óviðeigandi tengingu við frétt

Steingrímur bolar andsnúnum þingmönnum VG burt til að klára Icesave

Það er að fara nákvæmlega eins og maður óttaðist: Steingrímur bolar flokksandstæðingum sínum í frí og kemur "þæga" liðinu sínu fyrir rétt á meðan hann þarf að fá samþykkt á Icesave ódæðinu.

Andstæðingarnir eru ekki það miklir bógar að þeir flýja af hólmi í þessu máli og fara samviskulaust útaf á meðan landráðagjörningarnir fara fram. Þeir geta í framhaldinu lýst sig saklausa og halda auk þess réttindum sem þingmenn og ætla svo að fá endurkjör út á heigulsháttinn í þessu máli.

Þegar allra mikilvægustu mál Alþingis á þessari öld eru afgreidd finna sumir þingmenn sig í því að flýja til að fá ekki á sig skömmina og ævarandi veru í ruslatunnu sögunnar. Það eru algerir aumingjar sem flýja þingstörf á þessum tíma með þessum hætti.


mbl.is Icesave keyrt út úr efnahags- og skattanefnd
Tilkynna um óviðeigandi tengingu við frétt

Næsta síða »

Höfundur

Haukur Nikulásson
Haukur Nikulásson
Höfundur hefur starfað í tölvugeiranum mestan sinn feril, lengst af í eigin rekstri. Starfar nú sem ráðgjafi og kláraði nýlega frumkvöðlanám í háskólanum Keili.

Hann iðkar íþróttir, tónlist og stjórnmál af talsverðum móð.

Athugið: Ég hendi hiklaust út ómálefnalegum leiðindum og persónulegu skítkasti sem ekki á erindi í umræðuna... að mínu mati!

Pistlarnir hér eru hans eigin skoðanir.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 1
  • Sl. sólarhring: 3
  • Sl. viku: 10
  • Frá upphafi: 264820

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband