Er hægt að lögsækja ríkisstjórn breta fyrir misnotkun eigin laga?

Ég er alveg rasandi yfir því hvernig bretar hafa nú misnotað hryðjuverkalöggjöf til að klekkja á heilli þjóð vegna bankaviðskipta. Lokun Kaupþings í Bretlandi var hreint efnahagslegt hryðjuverk af þeirra hálfu og ég vil hvetja ríkisstjórnina til að hefja athugun á því að hefja skaðabótamál á hendur þeim vegna misnotkunar á hryðjuverkalögum. Það er alveg möguleiki á að þeir falli á eigin bragði.

 

Ekki bara hryðjuverkalög

Athugasemdir

[Ingvar Valgeirsson, 10.10.2008 kl. 16:34]

Enda eru þetta kommúnistar...

Mér sýnist allar líkur vera á að Brown sé að haugljúga upp á dýralækninn okkar. "Mér skildist á honum" segja menn yfirleitt þegar þeir eru að ljúga, í þessu tilfelli til að beina athyglinni frá eigin getuleysi, óráðsíu og rugli, enda stjórn Breta ljósárum ofar en okkar í þeim efnum.

Ég er ekki í aðdáendaklúbbi Árna Mathiesen, en þarna sýnist mér að verið sé að ljúga upp á hann og gera hann að blóraböggli.

[Ingvar Valgeirsson, 10.10.2008 kl. 16:35]

Lesa hér.

[Haukur Nikulásson, 10.10.2008 kl. 17:58]

Ég sá að Guðni Ágústsson velti þessi líka fyrir sér og veit að Geir Haarde hefur örugglega sett þennan möguleika inn sem skiptimynt í viðræður við sendinefnd breta. Það virðist sem þetta hryðjuverk breta geti orðið feitur biti lendi hann fyrir breskum dómstól. Ég er núna alveg viss um að þeir eru skíthræddir við þessi afglöp sín sem virkuðu svo hetjuleg og myndug í gær í breskum fjölmiðlum.

Greinin í Vefþjóðviljanum er prýðileg Ingvar, hver svo sem skrifaði hana. 

[Ingvar Valgeirsson, 10.10.2008 kl. 21:07]

Skrýtin tilfinning sem ég hef sjaldan fundið áður - ég er hjartanlega sammála Guðna Ágústssyni og held með Árna dýralækni í deilu...