Aukin leiðindi í kjölfar bloggs

Ég hef orðið var við aukin leiðindi af hendi opinberra aðila í kjölfar þess að hefja svolítil afskipti af pólitík með tilheyrandi bloggi.

Það getur verið erfitt að greina á milli hvað telst eðlilegt magn afskipta og leiðinda og hvað teljast hreinar ofsóknir.

Sumt fólk, mér nákomið, telur að umræða mín um spillingu stjórnmálamanna og stjórnvalda komi í hausinn á mér. Meðfædd þvermóðska, réttlætiskennd og jafnaðarmennska veldur því að ég tel það skyldu mína að fjalla um það sem betur má fara í þjóðfélaginu, einhverjir verði að þora til að kalla á breytingar til hins betra. Við þurfum síðan stuðning og hvatningu við góðan málstað til að halda því áfram.

Æ fleiri bloggarar handteknir

Athugasemdir

[Nonni (IP-tala skráð) 17.6.2008 kl. 22:50]

Sæll kæri frændi,

Nei og aftur nei, þú mátt alls ekki láta undan.

Þó ég sé þér nánast aldrei sammála og tel þessi skrif þín ekkert nema röfl,

þá er mjög gott að fá aðra hlið á málum.

Svo ertu bara svo skemmtilegur nöldrari :)

Bestu kveðjur

Nonni frændi

[Haukur Nikulásson, 18.6.2008 kl. 17:25]

Með svona hvatningu þarf maður engar úrtölur. 

Þú átt að taka meira mark á eldri og reyndari frænda þínum, kúturinn minn. Þú veist að ég veit flest allt betur en aðrir menn og er sjaldan eða aldrei fúll á móti... bara á ská!