Af hverju endurgreiðir flokkurinn ekki efnahagshrunið?

300.000 krónur er tittlingaskítur í spillingardæmi Sjálfstæðisflokksins.

Eiga skil á þessum smáaurum að endurspegla tandurhreint siðgæði flokksins sem færði einkavinum ríkisfyrirtæki og bankana fyrir smáaura?

Er sú skoðun Sigurðar Kára gild að þessar 300.000 krónur séu með öllu ótækar þegar sömu aðilar þiggja 425.000 milljónir úr vösum almennings en eru samt á hausnum vegna óráðsíu í eigin rekstri?

Finnst fólki að núverandi stjórnmálaflokkum eigi að treysta fyrir fjármálum ríkisins þegar þeir hafa ekki nokkra stjórn á eigin málum?

Finnst fólki eðlilegt að stjórnmálaflokkar sem stálu öllu bankakerfi landsins með kennitöluflakki neyðarlaganna eigi skilið traust fyrir að leiða þann gjörning sem og að sölsa undir ríkið nánast öllum eignum fólks sem tók lán í góðri trú?

Má ég spyrja hvort fólk sé fífl, eða er þetta bara hrein uppgjöf?

Skilar framlagi Neyðarlínunnar

Athugasemdir

[Óskar Þorkelsson, 24.3.2009 kl. 08:24]

ekki treysti ég þeim.. en sjálfstektin er og verður spillt, fyrir og eftir kosningar..

[Stefán (IP-tala skráð) 24.3.2009 kl. 08:45]

Það sýnir sig í prófkjörum að Sigurður Kári nýtur ekki mikils trausts innan Sjálfstæðisflokksins, ekki frekar enn Birgir Ármannsson. Sigurður Kári er að reyna að ná athygli með þessum orðum sínum, en ég hef ekki trú á því að samflokksmenn hans hlusti á hann nú frekar en áður. 

[Ásthildur Cesil Þórðardóttir, 24.3.2009 kl. 09:09]

Nei ég treysti þeim ekki, hugsa til þess með hrolli ef þeir komast í þá aðstöðu að geta haldið áfram að sóa auðlindum ríkisins eftir kosningar.  Það þarf að stoppa með öllum tiltækum ráðum.  

[Ingvar Valgeirsson, 24.3.2009 kl. 14:24]

Sýnist þér nýja stjórnin gera betur í bankamálum, svona miðað við síðustu aðgerðir?

[Haukur Nikulásson, 24.3.2009 kl. 16:19]

Nei Ingvar, hún veldur mér líka vonbrigðum með skilningsleysi sínu.

[Ingvar Valgeirsson, 25.3.2009 kl. 12:12]

Reyndar er þessi 300-kall frá Neyðalínunni skítti miðað við þá styrki sem flokkarnir fá frá okkur skattborgurum í formi beinna ríkisstyrkja. Það er lítið, ef eitthvað, skárra en hreinn og klár þjófnaður. Og þar eru allir flokkarnir samsekir.

[Óskar Þorkelsson, 26.3.2009 kl. 12:00]

ingvar.. you are missing the point.. neydarlinan er a framfaeri hins opinbera og a thvi alls ekki og sennilegast er thad einnig glaepsamlegt ad neydarlinan se ad styrkja einn eda neinn.. spurning um rannsokn a forstodumanninum.