Seðlabankinn stundar efnahagslegt hryðjuverk gegn þjóðinni

Það dettur engum í hug að gefast upp með rekstur heillar þjóðar í kreppu... nema Seðlabanka Íslands.

Stýrivextir eru til þess að halda því inni að jöklabréfin séu ekki öll rifin út en það hefur bara ekki tilgang lengur. Það treystir þessu enginn lengur, þau verða öll innleyst með þeim fyrirsjáanlegu afleiðingum að krónan sekkur enn dýpra.

Það á að koma öllum mistökum og röngu ákvörðunum Davíðs og Geirs á herðar þess hluta þjóðarinnar sem ekki ber ábyrgð á þeim efnahagshörmungum sem nú ríða yfir þjóðina og eru séríslensk viðbót á heimskreppuna.

Hversu lengi á að halda úti handónýtri stjórn peningamála? Það er ekki aðeins búið að setja þessi mál í rúst og nú er unnið að því... að kveikja enn frekari elda í rústunum.

 

Stýrivextir hækkaðir um 6 prósentur

Athugasemdir

[Johnny Bravo, 28.10.2008 kl. 10:10]

Hvað veistu um stýrivexti?

Það þarf bara að byrja þarna, til að ná niður verðbólgunni til að við með verðtryggðlán förum ekki öll á hausinn.

Svo er það spurning um að finna lánsfé eins og staðan er í dag ef maður fær ekki hærri vexti en verðbólgan er þá vill maður ekki spara.

Þegar fé fer að koma hingað inn eftir þessum vöxtum þá fer krónan að styrkjast og þá lækka vörurnar.Það hjálpar öllum.

Varðandi fyrirtæki þá eru það ekki þessir vextir sem gilda heldur vextirnir hjá viðskiptabönkunum.

Ríkið mun örugglega halda fyrirtækjum á floti í gegnum bankana.

Það tók 6 daga síðast hjá viðskiptabönkum að breyta vöxtunum sjáum til hvað þeir verða fljótir núna.

Ef þetta er of mikil hækkun þá mun verðbólgan lækka hratt og krónan styrkjast mikið og þá er leikur einn að lækka þetta aftur.

[Haukur Nikulásson, 28.10.2008 kl. 10:21]

Ég veit nóg um stýrivexti til að vita að það eru til aðrar leiðir til að tempra útlán og tilheyrandi þenslu Mr. Bravo. Ein þeirra heitir bindiskylda. Lán frá IMF þarf ekki að þýða að allt verði fljótandi í útlánum, þeim er hægt að stjórna. Háir stýrivextir liggja eins og mara á öllum venjulegum íslenskum skuldurum sem eiga þetta bara ekki skilið og allra síst þegar ríkið er búið að hirða þessar kröfur á okkur með kennitöluflakksósóma með neyðarlögum (það á eftir að reyna á þessi lög reyndar). Þú veist væntanlega að ríkið mun ekki greiða erlendum kröfuhöfum bankanna sem lögðu til lánsféð sem við eigum að borga til baka.

Það er ekki í spilunum að sjá fram á lækkun verðbólgu á næstunni, ég held að þú megir alveg bóka það.

Það er óhugguleg staðreynd að sama liðið og kom þjóðinni á hausinn ætlar að velja úr hverjir séu nógu góðir til að bjarga og hverjum ekki. 

[Tori, 28.10.2008 kl. 10:50]

Nú stjórnar IMF. Afnema verðtrygginguna strax!

[Óskar Þorkelsson, 28.10.2008 kl. 12:24]

Skorrdal.. lýðræðið hvarf í bálinu.. IMF ræður í dag Seðlabankanum.  fullveldið komið til USA í stað Brussel.. eru ekki allir ánægðir með það ?

[Tori, 28.10.2008 kl. 13:18]

Samningurinn við IMF gengur útá það hér eins og annarsstaðar. Þið (ríkisstjórnin) samþykkið að við (IMF) ráðum!

Einfalt.

[Sigurjón, 30.10.2008 kl. 02:01]

Þetta er slæmt fyrir skuldara, en að sama skapi gott fyrir menn sem eiga pening, eins og t.d. ég!  Milljónirnar mínar hækka skemmtilega í 18% vöxtum...