Við lögum ekkert nema með jákvæðara hugarfari og almennri sátt

Á velmektartímum virðast allt grassera í óvæginni samkeppni og tortryggni í bæði viðskiptum og stjórnmálum.

Nú horfir hins vegar við að nú þurfi þjóðin að vinna betur saman en áður ef ekki á illa að fara fyrir fjölda fólks og fyrirtækja.

Það er einfeldni hjá mörgu fólki að halda að hægt sé að krefjast hærri launa þegar fyrirtækin standa síður undir því vegna breyttra tíma. Það er tímabært að fólk sé meðvitaðra um að hagsmunatengsl heiðarlega rekinna fyrirtækja og launþega fara alveg saman. Það er enginn stikkfrí frá vandamálum hvort sem það líkar betur eða verr. Í augnablikinu er ekki ástand sem býður upp á harða sókn í kjaramálum það er bara óraunhæft.

Það er kannski tímabært að leggja það svolítið af að finna sökudólga til að kenna um kreppustandinu og hefja nýja sátt til að vinna sameiginlega að því að koma málum okkar til betri vegar.

Til þess þarf meiri jákvæðni og velvild meðal fólks en nú er.

Látið það ganga! 

 

Verðbólgan 14%

Athugasemdir

[Marinó G. Njálsson, 24.9.2008 kl. 11:39]

Haukur, með fullri virðingu þá lögum við ekkert nema með aðgerðum.  Miðað við lækkun krónunnar síðustu vikur, 14% í september, þá er innistæða fyrir því að verðbólgan fari í allt að 18% í nóvember nema gripið verði til aðgerða.  Við getum ekki bara beðið eftir því að einhver annar bjargi okkur.

[Haukur Nikulásson, 24.9.2008 kl. 13:57]

Ef einföld aðgerð væri finnanleg Marinó þá styð ég það. En það er bara málið, þetta er ekkert einfalt viðureignar, hins vegar er ég sannfærður um að hófsemi og jákvætt hugarfar séu með fyrstu kostum sem við þurfum til að komast aftur niður á jörðina.

Sagan endurtekur sig í sífellu. það hefur enginn snillingur ennþá fundið upp neina sérstaka lækningu við "efnahagsvanda" í hvaða mynd sem er.

Þó að ég sé ekki sérlega fylgjandi þessari ríkisstjórn er ég ekki fær um að kenna henni sérstaklega um "ástandið" frekar en sjálfum mér og öðrum. Það er bara alltof þægileg einfeldni þeirra blindu.

Ég held að við séum a.m.k. sammála um að við verðum að bjarga okkur sjálf.

Nú gef ég þér sjálfdæmi: Værir þú einráður, hvað yrðu þínar aðgerðir?

[Haraldur Haraldsson, 24.9.2008 kl. 17:09]

Kvitt sammála þessu Haukur!!!Kveðja Halli gamli