Gott að geta leikið sér á kostnað almennings!

Það skal ekki spilla gleðinni að íslendingar unnu til silfurverðlauna.

Það hins vegar spillir gleðinni þegar ráðamenn þessarar þjóðar baða sig í kynningarskyni á verulegan kostnað almennings í því skyni að afla sér óverðskuldaðra vinsælda með því að klína sér utan í afreksfólkið.

Alveg er ég viss um að sjálfboðaliðar hjálparsamtaka á borð við ABC barnahjálp, Fjölskylduhjálpina og fleiri munu fylkja sér á Skólavörðustíginn til að brosa í gegnum regnið og tárin þegar handboltahetjurnar okkar taka við húrrahrópum, fálkaorðunni um leið og ferðaglaði handboltamálaráðherrann gefur handboltasamtökunum 50 milljónir úr vasa almennings.

Það hlýtur að vera auðvelt að neita fátæklingum og nauðstöddum um samfélagshjálp þegar forgangsröð ráðamanna er svona. Það þarf greinilega ekki mikið meira heldur pínulítið sjálfhverfa heilastarfsemi.

Kínaferðir kostuðu 5 milljónir

Athugasemdir

[Hólmdís Hjartardóttir, 27.8.2008 kl. 13:50]

Skandall

[Svanur Sigurbjörnsson, 27.8.2008 kl. 14:02]

Rétt fyrir síðustu kosningar jók Þorgerður Katrín styrki til handbolta kvenna um 50 milljónir x2 í tveimur ráðgerðum áföngum.  Nú fara 5 milljónir í ferðir ráðuneytisins til Ól 08 sem eru 10% af fyrri styrknum til heils íþróttasambands.   Hvað mætti senda marga krakka til keppni í handbolta þvers og kruss yfir landið fyrir það?  Auðvitað er tilefnið stórt í Ól 08 en dugði ekki að fara einu sinni?  Eru makar ráðherra einnig í starfi  hjá ríkinu eða láðist að nefna það að Kristján Arason borgar sjálfur sínar ferðir x2?

[Lísa Margrét Kristjánsdóttir (IP-tala skráð) 27.8.2008 kl. 16:05]

Þetta er vel sagt og rétt

[Sigrún Óskars, 27.8.2008 kl. 16:31]

Ég er algjörlega sammála ykkur. 

[Halla Rut , 28.8.2008 kl. 08:38]

Sammála.

Svo fór ráðuneytisstjórinn og maki hans út líka á kostnað ríkisins. Ég spyr; af hverju? Af hverju greiðir ríkið fyrir hann og hans maka?

Eru engar reglur um þetta eða er þetta fólk með "blanco" tékka frá ríkinu. 

Forgangsröðin hjá þessi fólki er vægast sagt brengluð.