Líklegur spilalisti Eric Clapton í Egilshöll

Eric Clapton ("....... is God") er væntanlegur í Egilshöll n.k. föstudag 8. ágúst og þá verður það annar konsertinn hans eftir að hann tók sér mánaðarfrí eftir síðasta gigg í Leeds 29. júní s.l.

Hann spilar í Bergen á miðvikudaginn 6. ágúst áður en hann kemur hingað.

Þetta var spilalistinn hans og félaga í Leeds og þetta er nokkurn veginn það sem má búast við að hann spili í Egilshöllinni með einhverjum smávægilegum breytingum.

• 01. Tell The Truth
  02. Key To The Highway
  03. Hoochie Coochie Man
  04. Isn't It A Pity
  05. Outside Woman Blues
  06. Here But I'm Gone
  07. Why Does Love Got To Be So Sad
  08. Driftin'
  09. Rockin' Chair
  10. Motherless Child
  11. Travellin' Riverside Blues
  12. Running On Faith
  13. Motherless Children
  14. Little Queen of Spades
  15. Before You Accuse Me
  16. Wonderful Tonight
  17. Layla
  18. Cocaine
• Uppklappslag:
  19. I've Got My Mojo Working

Mér finnst þessi spilalisti ekki falla alveg að mínum smekk, finnst vanta rjómann úr Cream tímabilinu svo sem eins og Sunshine of your love, White Room, Crossroads, Badge auk nýrri flottra laga eins og Change the world og My fathers eyes.

Eins og með svo margt annað tjóir lítt að deila um smekksatriði eins og og það hvaða 20 lög maður vill fá á Clapton tónleikum.

Ég efast raunar ekkert um að gamla goðinu muni ekki takast að gleðja landann.

Athugasemdir

[Magnús Geir Guðmundsson, 4.8.2008 kl. 22:50]

Hér er eitthvað ekki alveg á hreinu, því búið var að boða að prógramið hér yrði nær því sem þú óskar þér en þessi mjög svo flotti lagalisti!Það kom nú eitthvert "Best of" safn með honum fyrir nokkru og ekki var annað vitað en tónleikarnir yrðu með því efni, m.a. af sólóplötum á borð við August. En þetta blúsprógram sem þarna hefur verið á ferðinni er auðvitað það sem hann hefur alltaf verið bestur í og það sem hann sjálfur hefur alltaf sagst vilja spila mest.

[Haukur Nikulásson, 4.8.2008 kl. 22:58]

Magnús, ég byggi þetta á því sem tíðkast hjá svona köllum. Þeir breyta ekki listanum mikið frá einu giggi til annars. Spilalistinn í Bergen ætti að verða 95-98% sá sami og verður í Egilshöllinni þegar þar að kemur. Ekki veit ég hvort tónleikahaldarinn hér getur haft einhver áhrif á lagavalið, ég held reyndar að það sé lítið.

Skoðaðu spilalista á www.whereseric.com og svo t.d. www.johnfogerty.com til að sjá hvað þeir breytast lítið frá einum tónleikum til annars.

[Haukur Nikulásson, 4.8.2008 kl. 23:06]

Það er best að sá aðeins meiri efasemdum um spilalistann. EC á það til að breyta honum þegar hann tekur svona margra vikna frí á milli.

Giggið í Bergen 6. ágúst, sem verður það fyrsta eftir mánaðarhlé, verður þá skothelt nokkurn veginn það sama og í Egilshöll.

[Haukur Nikulásson, 6.8.2008 kl. 23:40]

Nánast eina breytingin á spilalistanum í Bergen var að uppklappslagið var Crossroads.