Fylgja átti honum út strax eftir uppsögn - allslausum!

Guðmundur Þóroddsson á engan rétt á að taka með sér gögn frá Orkuveitunni, ekki einu sinni snifsi af klósettpappír. Það var löngu ljóst að maðurinn vann leynt og ljóst að því að koma bæði OR og REI undir einkaaðila og var þegar byrjaður að hygla sjálfum sér um hundruð milljóna í starfskjör og kauprétt áður en fyrirtækið var einkavætt. Það átti að vera búið að reka manninn fyrir löngu síðan fyrir trúnaðarbrest í starfi sem opinber starfsmaður. Það þarf engin að láta sér detta í hug að maðurinn hafi ekki tekið gögnin til að nota þau annars staðar og það jafnvel í samkeppni við gamla vinnustaðinn. Að halda öðru fram er hrein heimska.

Nú er ég búinn að hlusta á Sigurð G. Tómasson og Guðmund Ólafsson halda einhverja ótrúlegustu varnarræðu um manninn á útvarpi Sögu sem ég hef heyrt um mína daga. Láta eins og Guðmundur Þóroddsson hafi verið sérlegum órétti beittur. Ég spyr nú bara: Hvaða tengsl eru þetta hjá þeim við manninn að láta aðra eins þvælu út úr sér?

Ég skil bara ekki af hverju ekki er búið að reka Hjörleif Kvaran fyrir sömu sakir.

Upplýsingar stangast á um eðli gagna um OR í vörslu Guðmundar

Athugasemdir

[Óskar Þorkelsson, 11.7.2008 kl. 11:49]

já sjálftektin í þessu þjóðfélagi er ótrúleg.

[Ingvar Valgeirsson, 11.7.2008 kl. 12:33]

ÞAð vantaði samt ekki að starfsmennirnir stæðu upp og væru með læti, rétt eins og þeir ættu fyrirtækið (svipað og fréttamenn RÚV fyrir nokkrum misserum) en enginn minntist á Línupunktnet, risarækjur eða hlut Guðmundar í Rei-málinu, sem var ekki lítill.

Stundum erum við sammála, Haukur minn, t.d. núna.