Trúa þeir samt aldrei neinu...

Í kaffitímanum var verið að ræða kynferðisáreitismál prestsins og sýndist sitt hverjum. Málið er greinilega til umræðu manna á meðal hvort sem fólki líkar það betur eða verr.

Ég sagði þeim að einn af þekktari kristnu bloggurunum á Moggablogginu hefði í símatíma á útvarpsstöð borið blak af prestinum og sagt að hann ætti það til að faðma sóknarbörn og kyssa á kinn og væri sko örugglega hafður fyrir rangri sök. Hann væri bara svo hlý persóna, þetta væri honum eðlilegt og að hann tryði því alls ekki að nokkur fótur væri fyrir þessari ásökun.

Einn félaganna við borðið kyngdi sopanum sínum, horfði á mig hvössum augum og sagði: "Það er alveg merkilegt með þessa trúuðu. Eins og þeir trúa mikið, þá trúa þeir samt aldrei neinu hver upp á annan!"

Athugasemdir

[Óskar Þorkelsson, 6.5.2008 kl. 20:40]

gott komment hjá félaganum

[Púkinn, 6.5.2008 kl. 20:42]

heh!  góður.

[Haraldur Haraldsson, 7.5.2008 kl. 14:58]

Umræðan er kannski ekki slæm allir meiga hafa skoðanir/en allir eru saklausir uns sekt er sönnuð/Halli gamli