Íhaldið á mesta hugsunarlausa fylgið af öllum flokkum - Ég var þar!

það ótrúlega sterkt að vera Sjálfstæðismaður. Ég þekki það og var það í rúm 30 ár. Ástæðurnar voru fyrst og fremst þessar. Uppalinn af foreldrum, skynsama og ríka fólkið kaus íhaldið. Hinir nöldruðu bara og voru reiðir. En helsta ástæðan var samt alltaf bara að kjósa í hugsunarleysi.

Ég skil ekki hvernig flokknum er endalaust fyrirgefnar syndirnar. Forystan beitti sérstökum brögðum til að koma dæmdum þjófi á þing. Þá var mælirinn fullur hjá mér. Hvers vegna er svo mikil mannfæð að það þurfti að þröngva einum latasta þingmanni sögunnar inn á þing ferskum úr afplánun? Vissi hann eitthvað sem ekki mátti heyrast? Mátti búast við að hann syngi annað en brekkusöngva?

Það sem sá dæmdi gerði er þó hrein smán við hliðina á því þegar Árni Mathiesen seldi bróður sínum og vinum megnið af eignum varnarliðsins á hálfvirði. Ekkert bólar á rannsókn á því máli og því haldið dauðu í þinginu þrátt fyrir að Atli Gíslason hafi reynt að koma þeirri rannsókn áfram. Einnig eru stöðuveitingar í kerfinu svo margar og ógeðfelldar að ég færi í sérstaklega vont skap við að telja það upp núna.

Samfylkingin á ekki jafn hugsunarlaust fylgi, enda reitist það núna af flokknum í réttu hlutfalli við endurteknar þotuferðir utanríkisráðherra til að dúlla sér á NATO-fundum og draumnum um að leysa stríðið fyrir botni Miðjarðarhafs á meðan Róm brennur hér heima.

Ofangreind mál sýna mér svo ekki verður um villst, að heiðarleiki stjórnmálamanna skiptir þorra kjósenda engu máli! Hvernig getur hinn almenni borgari búist við að fá almennilega, vel vinnandi og heiðarlega ríkisstjórn þegar hann gefur ekki skít í það hvern hann kýs? Er ekki þjóðin bara að fá það sem hún á skilið?

Fylgi við Samfylkingu og ríkisstjórn minnkar

Athugasemdir

[Þorsteinn Úlfar Björnsson (IP-tala skráð) 1.5.2008 kl. 21:56]

Jú, þjóðin kaus þetta. Ég reikna þó með að flestir hefðu viljað sjá ríkisstjórn Samf. og VG. En völdin eru freistandi. Og Samfylkingin hefur fallið á öllum prófum eftir kosningar. Bretar eiga málshátt sem gildir um allar ríkisstjórnir. Hann er svona: Every government is bad, but this one is real shit!

[Ásthildur Cesil Þórðardóttir, 2.5.2008 kl. 13:09]

Jú því miður þá eigum við þetta skilið.  Þó eru örfáar heiðarlegar undantekningar, en ég býst við að við þurfum að súpa seiðið með öllum hinum. 

[Ævar Rafn Kjartansson, 3.5.2008 kl. 00:13]

Jú hún er að því. Ég er að þessu sinni saklaus en hélt samt að það væri einhver innistæða fyrir fagra Íslandinu þeirra Samfylkingarmanna. En þetta hefur bara reynst vera illa upphitaður miðjumoðsvellingur sem að auki virðist ofsaltaður. Allavega fyrir minn smekk. Fylgi Sjálfstæðisflokksins gegnum tíðina virðist svo vera verðugt rannsóknarverkefni sagnfræðinga, sálfráðinga, atferlisfræðinga, hagfræðinga, markaðsfræðinga, prestastéttarinnar og allra annarra sem vilja vita hvernig hægt er að vera ekkert, gera ekkert og auka vinsældir sínar fyrir vikið.

[Ævar Rafn Kjartansson, 3.5.2008 kl. 00:15]

Já og auðvitað vissi hann meira en eitthvað.... gleymdi að koma því að.