Allir gert sig að fíflum í þessu máli

Ég held að flestir, sem að komu, hafi gert sig að fíflum í þessu máli vörubílstjóranna. Við getum verið þakklát fyrir að ekkert af aðalpersónum þessa dæmalausa mótmælafarsa vörubílstjóranna er heimilislæknirinn okkar. Hann væri þá búin að kála okkur með dómgreindarskortinum einum.

Bílstjórarnir misstu sig í sorgleg lögbrot í formi franskra mótmæla. Tefja, stífla og vera til almennra leiðinda. Lögbrot eru ekki rétta leiðin. Þetta verður að vera pólitík þótt það sé leiðinleg leið. Hún er samt öllum ásættanleg. Forsvarsmenn bílstjóranna, aðallega Sturla, hafa komið fram fyrir alþjóð eins og börn sem búin eru að tapa sér. Málflutningurinn bæði barnalegur, samhengislaus og óskiljanlegur. Kóróna svo allt með því að afneita sínum dómgreindarsnauða barsmíðamanni.

Lögreglan fyrir að ákveða vandlega og fyrirfram að nú yrðu óeirðir. Þeir voru með galla, hjálma, skildi, kylfur, handjárn, piparúða, stáltær og tilbúna sjúkrabíla!  Vel má vera að þeir áttu réttinn á að halda uppi lögum og reglu. Það er samt engin skynsemi í því að ráðast til atlögu með þeim hætti sem þeir gerðu. Þeir áttu að halda sig til hlés og leyfa mönnum að blása, þetta myndi hvort eð er líða hjá. Lögreglan skapaði hættuna sem varð við handtökur og stympingar á staðnum. Í hálfgerðu vitfirringskasti réðust þeir að fólki með úðann gargandi "GAS!-GAS!-GAS!". Svo bættu þeir um betur með að skemma bíla að óþörfu og halda veginum lokuðum óþarflega lengi. Hverja voru þeir að passa? Bílstjórarnir hefðu ekki lamið hvern annan eða hvað?

Björn Bjarnason lætur eins og hann eigi engan þátt í þessu. Mætir í viðtöl og tjáir sig um flotta frammistöðu og skyldur lögreglunnar. Enda er hann að byggja upp alvöru löggubatterí og jafnvel her. Samt segist hann ekkert hafa séð, en ver sína menn óséða. Ekki finnst mér heldur mikið til koma að birta reiða tölvupósta frá einstaka fáráðlingum. Það upphefur hann ekkert í þessu máli.

Geir H. Haarde neitar að semja við menn sem eru með leiðindi og lögbrot. Finn sáttasemjari hér á ferð!

Lára Ómarsdóttir fær skammarverðlaun fyrir leikstjórn frétta (sjá annan pistil).

Stefán Eiríksson lögreglustjóri virðist vera undir rúmi. Sést hvergi. Er það vegna þess að hann vill ekki verja skipanir sem komu að ofan?

Menntskælingar að dimmittera vildu komast í fjörið. Þetta var ekki vel valið að sýna hversu klár þau væru eftir útskrift og það í nasistagöllunum. Smekklaust val á skemmtistað að mínum dómi.

Óviðkomandi fólk sem mætti bara til að taka þátt í hasarnum til að fá útrás fyrir alla aðra óánægju og kom þessu máli ekkert við. 

Sturla: „Ekki á okkar ábyrgð"

Athugasemdir

[Óskar Þorkelsson, 24.4.2008 kl. 20:16]

nokkuð góð samantekt hjá þér Haukur. 

[Ari Guðmar Hallgrímsson, 24.4.2008 kl. 20:32]

 Gliðilegt sumar.  Ágætt hjá þér, er þetta ekki málið í hnotskurn ???

Kveðja

[Brynjar M (IP-tala skráð) 24.4.2008 kl. 20:37]

„Lögreglan fyrir að ákveða vandlega og fyrirfram að nú yrðu óeirðir“. Þetta er einfaldlega rangt. Lögreglan er búin að vera með þennan viðbúnað í tvær vikur og bílstjórarnir vissu af því og gerðu allt til að reyna espa lögregluna upp. Fyrirmælin til þeirra voru margítrekuð. Svo ljúga þeir bara í fjölmiðlum og segja að þeir hafi ætlað að færa bílana. Hvað með allt fólkið sem þeir voru búnir að draga út á götu og neitaði að færa sig. Átti að aka yfir það, eins og þeir sögðu sjálfir. Bara kominn tími til að fjölmiðlar átti sig á að þessir menn eru lygarar!

 Styð lögregluna 100%. 

[Sigurbjörn Friðriksson, 24.4.2008 kl. 21:19]

Tókstu eftir hvatningarhrópum vörubílstjóranna sem voru staddir á planinu til árásarmannsins í upphafi árásarinnar?  Það mætti endurtaka sýningu upptökunnar og hafa hljóðið þá aðeins hærra!  Ég mana sjónvarpsstöðina sem á myndbandið að gera það.

Ætli að Lára Ómarsdóttir hjá Stöð 2 hafi átt einhvern þátt í árásinni og hvatningarhrópunum?  Neeeei.  Hún segir að hún hafi bara verið að grínast varðandi eggjakastið.  Það gerir jú fólk í þessari stöðu á svona stundum.  Kannski er hún bara að "segja satt" eins og Sturla þegar hún ber þetta af sér?

[Nonni (IP-tala skráð) 24.4.2008 kl. 21:33]

Sæll Haukur minn og gleðilegt sumar.

Þín samtekt er góð og lýsir ágætlega þessari vitleysu sem er í gangi. En hvað varðar lögguna, þá hefur hún minn stuðning.

Ég er innilega sammála Brynjari, og ætla ekkert að bæta við.

Þú verður að athuga Haukur, að þegar hópur eins og þessi lætur eins og þeir búnir að gera,

þá er ekki hægt að hörfa, þeir halda bara áfram, og hvar og hverning endar þetta þá? ég bara spyr.

[Haukur Nikulásson, 24.4.2008 kl. 21:53]

Gleðilegt sumar frændi og þið hin.

Það er eitt að eiga réttinn og síðan annað að það sé alltaf skynsemi að knýja á um hann. Þú mætir ekki bíl sem er á öfugum vegarhelmingi og neitar að víkja af því að þú átt réttinn. Þú víkur ef þú vilt halda lífi og limum. Slíka dómgreind skorti hjá lögreglunni núna þó ég efist ekkert um að hún eigi undir flestum kringumstæðum að halda lög og rétt. Hún gat bara slakað og beðið átekta frekar en að taka áhættu af því að einhver dræpist í stimpingum þarna. Það var stóra dómgreindarleysið þeirra.

Ég gleðst yfir því að þurfa ekki endilega að "halda með" einum frekar en öðrum í þessu ótrúlega uppskrúfaða dellumáli eins og flestir sem tjá sig um það.

[Nonni (IP-tala skráð) 24.4.2008 kl. 22:48]

Þetta er samlíking sem ekki er hægt að nota. Þú reynir að forða slysi en lögreglan getur ekki "forðað" slysi undir þessum kringumstæðum. Eins og ég sagði áðan, þá er ekki hægt að hörfa, þeir halda bara áfram.Þetta eru orðnir óeirðaseggir.Ég held ekki með neinum, en eins og ég sagði, þá er skoðun mín að ég styð lögregluna. Ég studdi bílstjóra í þeim mótmælum sem þeir lögðu upp með og meira segja skrifaði undir stuðningsyfirlýsingu hjá þeim. Lægra bensín verð og allt það. Sem sagt, Það er allt í lagi að mótmæla en þetta sem hefur gerst síðustu daga, nei ekki svona. Svo ég slái nú um mig aðeins. og vitna í Þorgeir Ljósvetningagoða "ef þú slítur í sundur lögin þá slíturðu og í sundur friðinn"
Ég nenni svo ekki að rökræða þetta við þig hér, það er miklu skemmtilegra að fara hittast og þá kannski ef við erum í stuði, ræða þessi mál. Fyrir ykkur hin sem hingað sækja þá er Haukur toppmaður sem gaman og gott er að tala við. Hann er einn af fáum sem hægt er að vera gargandi ósammála en lætur ekki sérlundaða skoðun þína bitna á þér og þinni persónu ef honum á annað borð líkar við þig.

Góðar stundir

[Haukur Nikulásson, 24.4.2008 kl. 23:26]

Nonni minn það er alls ekki satt! Ég hef algjört óþol fyrir fólki sem er mér ósammála. Hins vegar er ég með sjálfspíningarhvöt sem nærist að hluta á andstæðum skoðunum. Takk fyrir að viðhalda henni!

Sé þig í kaffi fljótlega! 

[Kiddi (IP-tala skráð) 25.4.2008 kl. 00:52]

Hér er flott samantekt af þessu máli.

http://bjartmarinn.blog.is/blog/bjartmarinn/entry/518922/

[Ingvar Valgeirsson, 25.4.2008 kl. 12:08]

Það var nú orðið nokkuð greinilegt að bílstjórarnir stefndu að þessu. Uppþot og læti var það sem þeir vildu. Þeir sýndur það þegar þeir óku í strollu upp að Bessastöðum meðan forsetinn var þar á fundi með, af öllu mönnum forsætisráðherra Palestínu. Urðu svo brjálaðir af því að löggan tók myndir! Þeir hafa nú skýlausar heimildir tal að ganga lengra en það undir þessum kringumstæðum.

Skil reyndar Geir líka. Það er ekki gott að senda þau skilaboð að menn geti þvingað stjórnvöld til að ganga að kröfum sínum.

Svo skilst mér að löggan verði að garga aðvörun áður en þeir spritsa piparúða á fólk. Ofur eðlilegt svosem, en kemur frekar illa út í mynd. :)

Sturla kemur samt verst út, sérstaklega eftir að hann er staðinn að lygum. Gaddemitt, getur hver sem er fengið meirapróf?