Opinber fyrirtæki eru einkavædd til að fela sjálftöku launa og spillingu

Einkavæðing opinberra fyrirtækja virðist hafa þetta eina markmið.

Röksemdirnar fyrir einkavæðingu eru oftar en ekki allt aðrar og byggðar á afar veikum rökum og það virðist stjórnendum fyrirtækjanna einkar auðvelt að blekkja kjörna fulltrúa til að samþykkja slíkar breytingar sem eru þegar á reynir, bara til þess að hægt sé að stunda sjálftöku launa, hækka sporslur og fela þátttöku í alls kyns verkefnum sem eiga nákvæmlega ekkert skylt við starfsemina.

Vandamálið er að í Orkuveitu Reykjavíkur hefur safnast upp auður sem byggður er með okri í orkusölu þegar eðlilegra væri að eigendur þess hefðu notið framsýninnar með lægra orkuverði.

Borgarbúar hafa nefnilega verið snuðaðir áratugum saman um að njóta þess hversu hagkvæm hitaveitan er. Samanburður við erlenda orkusölu byggða á kjarnorku, olíu og kolum hefur verið notuð sem rök fyrir því að halda orkuverðinu hér á landi allt of háu miðað við hvað það hefði getað verið.

Ég hef sagt það áður: Stjórnendur OR eru fyrir löngu búnir að vinna inn fyrir vænum brottrekstri án feits starfslokasamnings fyrir spillingu í starfi.

Launin þola ekki dagsljós

Athugasemdir

[Anna Benkovic Mikaelsdóttir, 6.11.2007 kl. 11:29]

...þeir líta líka voða spilltir út á þessari mynd!

[Sigurður S. (IP-tala skráð) 6.11.2007 kl. 11:48]

Ég tek undir orð þín og þá sérstaklega að þessir stjórnendur verði látnir sæta ábyrgð og þeim vikið úr starfi fyrir vanrækslu án sporslu fyrir sviksemina.  Þeir hafa auðsjáanlega gengið hagsmuna annarra en OR og borgarbúa  .  Þeir virðast fyrst og fremst hugsa um eigin rass og "vina " sinna í viðskiptalífinu.   Mokum skítnum út og loftum vel, fáum svo fólk sem hefur hagsmuni borgarinnar og OR að leiðarljós.

[Hlynur Hallsson, 6.11.2007 kl. 11:52]

100% sammála þér Haukur. Burt með þessa menn! Bestu kveðjur,

[Þorsteinn Ingimarsson (IP-tala skráð) 6.11.2007 kl. 15:43]

heyr heyr