Geir Jóni fyrirgefst þetta

Mér finnst Geir Jón Þórisson hafa staðið sig afbragðsvel sem yfirlögregluþjónn. Hann er bæði metnaðarfullur og góðviljaður í starfi sínu og það er góð blanda. Hann er jákvæður málsvari lögreglunnar og hefur mjög traust yfirbragð. Hann ber líka með sér að koma með hinn jákvæðari hluta trúar sinnar til starfs síns og það er bara vel.

Hann gerði þó mistök í því að birtast í búningi yfirlögregluþjóns í þessu Omega viðtali og braut þar með reglur um notkun búningsins. Mér sýnist hann hafa viðurkennt það sem yfirsjón.

Hins vegar er Geir Jón á rangri braut með að tengja saman sín eigin trúmál og þau vandamál sem eru í miðbænum. Þau vandamál má að stórum hluta til rekja til þess að ríkið banni við veitingahús samneyti tóbaks og áfengis í einhverju skrýtnasta reglugerðarrugli síðari tíma. Af hverju finna menn ekki lausn á því máli?

Geir Jón telur trúboð leysa miðborgarvanda

Athugasemdir

[Ásthildur Cesil Þórðardóttir, 12.9.2007 kl. 10:37]

Sá þetta ekki en er alveg sammála þér hér að ofan.  Trúin leysir engan vanda heldur.

[Íbúi bið Njálsgötu (IP-tala skráð) 12.9.2007 kl. 19:35]

Þetta er ekki í fyrsta sinn sem hann misnotar búninginn....á fundi íbúa við Njálsgötu með borgarstjóra var hann fundarstjóri og í búning og alles og vopnaður priki, fullum skrúða, eins og Mússólíni væri bara mættur, sjálfur lífvörður borgarstjóra. Ég fékk ógeð á manninum er ég sá tilburði hans á þessum fundi, endalaust að slá á fingur fólks sem vildi tala á fundinum. Burt með mannin....

[Ásthildur Cesil Þórðardóttir, 14.9.2007 kl. 11:44]

Hann hefur sýnt með þessu að hann er ekki þarna sem fagmaður, heldur frekar sem prestur.  Það veitir manni ónotatilfinningu svei mér þá. 

[Ævar Rafn Kjartansson, 14.9.2007 kl. 22:57]

Það eru um 30 ár síðan ég kynntist Geir Jóni fyrst. Þrátt fyrir að mér lítist ekkert á þetta trúardæmi þá held ég að hann sé ein besta manneskja sem við getum haft þarna í þessari stöðu. Og mistök eins og að hafa einkennisbúna lögreglumenn við að hjálpa sér við flutninga eða mæta í Omega í fullum skrúða eru léttvæg. Með alla þessa fauta (nú verð ég kærður) innan lögreglunnar þá er gott að vita af heilsteyptum traustum og mannlegum yfirmanni þarna. Ég sá hann á ómenningarnótt fyrir nokkrum árum síðan þar sem hann brilleraði við að gíra dauðadrukkið fólk niður. Svona eiga lögreglumenn að vera!