Er niðurstaða siðanefndar B.Í. fengin með pólitískri íhlutun?

Jónína Bjartmarz virtist ekki sérlega hissa á því að siðanefndin hefði úrskurðað henni í hag varðandi kæruna á hendur Kastljósmönnunum vegna umfjöllunar um tengdadóttur sína. Það vita allir sem vilja vita að Jónína hafði óeðlileg áhrif á allan gang málsins en kaus að ljúga sig blákalt frá þessu með svo aulalegum hætti að maður fékk eiginlega bara bjánahroll.

Hún átti nefnilega að biðjast afsökunar á þessum afskiptum af málinu og kalla það yfirsjón. Kannski hefði hún fengið meiri samúð í kosningunum hefði hún haft til þess vit. Hún hafði það bara ekki.

En af hverju virtist Jónína ekki hissa á úrskurðinum? Var það kannski vegna þess að Kristinn Hallgrímsson lögmaður og formaður siðanefndarinnar er einn af stjörnulögfræðingum framsóknarmanna? Hann er vel tengdur Framsóknarflokknum, Kaupþing banka, VÍS, Finni Ingólfssyni, Keri (Olíufélagið), S-hópnum og sonur fyrrverandi forstjóra Samvinnutrygginga. Komið hefur fram að Samvinnutryggingar eru skröltandi full af fjármunum sem Framsóknarmenn hafa látið vinna fyrir sig og vilja núna eignast með því einu að leggja samvinnufélagið af með hnitmiðaðri félagsslitafléttu og hirða þar með alla þá aura sem ekki er gert beint tilkall til? Ég hvet til þess að þar til bær yfirvöld fylgist vel með afdrifum þessa félags.

Ég hef áður haldið þessu fram: Framsóknarflokkurinn er spilltasti stjórnmálaflokkur sem finnst miðað við höfðatölu.

Ég skil mætavel að RÚV uni ekki niðurstöðum siðanefndar blaðamannafélagsins. 

Athugasemdir

[Þarfagreinir, 21.6.2007 kl. 16:13]

Mér finnst þessi niðurstaða mjög skrýtin, og ekki bætti það úr skák að sjá skeleggt svar Kastljóssmanna, þar sem úrskurðurinn var nánast tættur í ræmur. Ekki er ég venjulega mikið fyrir samsæriskenningar, en þessi uppljóstrun um formann siðanefndarinnar hlýtur að teljast áhugaverð.

[Óskar Þorkelsson, 21.6.2007 kl. 16:40]

Framsókn í hnotskurn.. gerspilltir skítalabbar vaða þar um á skítugum skónum.

Áfram Kastljós og til hamingju Reykjavík fyrir að vera lausir við framsóknar óværuna.. fyrir utan þennan eina borgarfulltrúa sem vonandi hverfur í gleymsku í næstu kosningum..

[Haukur Nikulásson, 21.6.2007 kl. 18:04]

Björn Ingi Hrafnsson mun ekki gleymast í bráð. Hann er nefnilega bráðefnilegur og klókur. Hann hefur líka þjálfað sig upp í að vera fjölmiðlavænn og -glaður. En sem pólitíkus þarf hann að gera sér far um að passa sig á spillingarmálunum.

Það eina sem ég hef undan honum að kvarta er að hann hefur þegið boðsferðir til útlanda fra einkafyrirtækjum og það tel ég utan þeirra marka sem hann má leyfa sér, hann telur hins vegar svo ekki vera og þar með tel ég hann í hættu hvað þetta varðar.

[Sigurjón, 23.6.2007 kl. 02:57]

Ég segi eins og Ragnar Reykhás: Það er skítalykt af þessu...