Var Ágústi Ólafi refsað fyrir að vera of beittur í kosningabaráttunni?

Mér er það svolítið hugleikið hvers vegna varaformaður Samfylkingarinnar á ekki sæti í nýrri ríkisstjórn þar sem flokkurinn fær sex ráðherra.

Mér verður hugsað til þess að Ágúst Ólafur beitti sér duglega í kosningabaráttunni og átti góða spretti þar sem hann gagnrýndi sitjandi stjórn harkalega og lét líka finna fyrir sér í sjónvarpsumræðum.

Ég er einn þeirra sem telja að hann hafi staðið sig mjög vel í þessari kosningabaráttu og halað inn fullt af atkvæðum. Stundum er það reyndar svo að þeir sem draga vagninn hljóta ekki umbun erfiðis síns. 

Var þetta meira en væntanlegur samstarfsflokkur í ríkisstjórn þoldi? Var hann kaffærður í ljósi ungs aldurs? Var hann of vel menntaður? Var hann of fljótur að gefa eftir sæti vegna skorts á persónulegum metnaði og vildi ekki vera frekur? Skoðanir á þessu einhverjir? 

Athugasemdir

[Haraldur Haraldsson, 29.5.2007 kl. 14:42]

Kvitt,þetta er alveg rétt athugað,'Agust OLafur er einn besti Kratinn sem ek hefi heyrt i núna í undfari kostninga og reindar alltaf/Vænn Drengur og fylgin ser/Halli Gamli

[Ingvar Valgeirsson, 29.5.2007 kl. 19:00]

Nei, honum var refsað fyrir að vera karlkyns, enda algert möst einhverra hluta vegna að hafa helming ráðherra kerlingar. Þessi ágæti þingmaður og ljúflingur er því fórnarlamb "jákvæðrar" mismununar. Hann á fullt erindi í stól.

[Ásthildur Cesil Þórðardóttir, 29.5.2007 kl. 20:55]

Ekki veit ég og sem betur fer þarf ég ekki að hafa áhyggjur af því.

[Sigfús Sigurþórsson., 30.5.2007 kl. 03:19]

Ekkispurning að Ingvar hér hefur mikið til síns máls. Góður púnktur hjá þér Haukur::: Stundum er það reyndar svo að þeir sem draga vagninn hljóta ekki umbun erfiðis síns. 

Kveðja:

[Svartinaggur, 30.5.2007 kl. 12:39]

Ég tel það skrítið að varaformaður sé ekki í ráðherrahópi síns flokks. Held að það þurfi ekkert að útskýra slíka skoðun neitt frekar.