Innihaldslaus froða

Þessi málefnaskrá einkennist af því að það var bara tilgangurinn að mynda stjórn og skipa í ráðherrastöður.

Málefnin eru bara almenn og skoðanalaus og taka eiginlega enga afstöðu nema í örfáum málum.

Íraksstríðið er t.d. bara "harmað". Hvað er nýtt við það? Solla hefur gætt þess vandlega að gera ekkert að ágreiningsmáli til að rugga ekki ráðherrastólunum. Þau ætla samt að reyna eyða "óútskýrðum launamun" kynjanna í störfum hjá ríkinu. Er ekki rétt að reyna fyrst að skýra launamuninn áður en farið er í ágiskunaraðgerðir?

Stóru orðin fyrir kosningar eru alveg gleymd og djúpt grafin í skapleysi stólaþeganna.

Ágreiningur um þjóðareign á náttúruauðlindum verði leiddur til lykta

Athugasemdir

[Sævar Finnbogason (IP-tala skráð) 23.5.2007 kl. 12:44]

Voðalegt svartsýnisraus er þetta.

Það er full ástæða til bjartsýni t.d. varðandi launamuninn. Hér fer sú kona sem hefur gengið legst allra í að leiðrétta launamun (og hefur mörgum þótt nóg um) Vertu viss um að það er full alvara á bakvið þessa yfirlýsingar þótt orðalagið sé svolítið "kvennlægt"

Annars... skemmtilegar hljóðklippur

[Haukur Nikulásson, 23.5.2007 kl. 13:13]

Þetta er rétt hjá þér Sævar, en ég fer bráðum að verða búinn að tuða nægju mína