Flugmenn og flugfreyjur fari á sama plan og bændur - fái bara styrki frá ríkinu

Bændur búa við hið fullkomna atvinnuöryggi. Ef fólk vill ekki kaupa það sem þeir framleiða er ríkið tilbúið að auka styrkina til þess að niðurgreiða bara enn frekar það litla sem selst.

Nú hefur verið sýnt fram á að framleiðsla bænda er ekki hótinu hollari en önnur matvara sem framleidd er í heiminum. Kúamjólkin telst geta valdið krabbameinum hjá eldri kynslóðinni auk þess að vera oft í aðalhlutverki hjá þeim sem hafa einhvers konar mataróþol. Fólk er hætt að vilja kindakjöt í sama mæli og áður og kaupir frekar pizzur, svínakjöt og kjúklinga þrátt fyrir niðurgreiðslur kindakjöts. Með breyttum neysluvenjum má leiða að því rök að aukið langlífi íslendinga fylgi aukinni neyslu á hamborgurum, frönskum, sósu og pizzum. Afneiti því hver sem vill.

Það er kominn tími til að hætta sérstakri fjárhagsvernd ríkisins á bændastétt þessa lands umfram aðrar stéttir í landinu sem verða að búa við það að ef þjónustu þeirra er ekki óskað þá verði fólk bara að finna sér annað að gera, þrátt fyrir milljónafjárfestingu í menntun sinni.

Er ekki kominn tími á að ýta samfélaginu í frekari átt að jafnrétti sem er ekki bara kynjaumræða? 

Rúmlega fjórðungi sagt upp

Sem kjöt er hann á 173 milljónir pr. kg.

Það er stundum athyglisvert að setja peningaupphæðir í kringum knattspyrnumenn í annað samhengi en fólk á að venjast.

Kíló af Ronaldo kostar sem sagt 173 milljónir króna, það þýðir að grammið er á 173.000 krónur. Það eru því engir smáaurar þarna að hlaupa um túnin.

Þrettán milljarða fyrir Ronaldo

Eina lífsmark ríkisstjórnarinnar: Jóhanna Sigurðardóttir

Það er ítrekað að koma í ljós að eina ljósið í ríkisstjórn Íslands er Jóhanna Sigurðardóttir.

Hún virðist einhvern veginn vera eina manneskjan sem nennir að vinna, gerir eitthvað af viti og er ekki í tilgangslausu útlandaflandri eins og margir samráðherrar hennar.

Ef hennar nyti ekki við væri löngu kominn vantrauststillaga á þessa stjórn sem er að öðru leyti algerlega dauð gagnvart þeim vanda sem steðjar að íslensku efnahagslífi.

Aðgerðunum fagnað

Lán að hann valt ekki á fólksbíl

Bílstjóri þessa bíls er lánssamur. Hann slapp við að drepa einhvern með aksturslagi sínu. Ég vona að hann nái sér sem fyrst og gefi því gaum í framhaldinu hvernig hefði farið ef bíllinn hefði oltið yfir fólksbíl fullan af fólki. Það hefði ekki þurft að kemba hærurnar á eftir.

Sem ungur maður tók ég þátt í tiltekt eftir dauðaslys þar sem olíuflutningabíll valt yfir fólksbíl á stað sem átti að vera hættulaus með öllu. Þessi tiltekt var mér mjög eftirminnileg og ég er æ síðan meðvitaður um að þessir stóru bílar geta farið á hvolf með hræðilegum afleiðingum. 

Ofhlaðinn trukkur?

Hann er ennþá með skófar Sir Alex á rassinum!

Það ætti flestum að vera kunnugt að Beckham var alls ekkert sáttur við að vera seldur frá United.

Ég sé ekki hvernig maður með eitthvert stolt ætti að fara til baka og væla út æfingatíma á þeim stað. Nú mega fleiri tjá sig um þetta. 

Beckham aftur til Arsenal

Var búið að segja birnunni að hún yrði að vera alveg kyrr til að verða ekki skotin?

Þessar viðureignir við birnina lýsa ótrúlegu taugaveiklunarklúðri. Sá fyrri var drepinn af því að hann þefaði út í loftið og sá síðari að því að hann færði sig til sjávar.

Þessu til viðbótar er gefið út að dýrin hefðu líklega ekki þolað svæfingu, væru aum í fótunum, horuð og trúlega of þreytt og stressuð til að þola nokkurn skapaðan hrærandi hlut að mati umhverfisstofnunar sem eru jú sérfræðingar í meðhöndlun ísbjarna.

Ég fullyrði að hér eru aðrir þreyttir, aumir, horaðir og ráðalausir.

Ísbjörninn að Hrauni dauður

Aukin leiðindi í kjölfar bloggs

Ég hef orðið var við aukin leiðindi af hendi opinberra aðila í kjölfar þess að hefja svolítil afskipti af pólitík með tilheyrandi bloggi.

Það getur verið erfitt að greina á milli hvað telst eðlilegt magn afskipta og leiðinda og hvað teljast hreinar ofsóknir.

Sumt fólk, mér nákomið, telur að umræða mín um spillingu stjórnmálamanna og stjórnvalda komi í hausinn á mér. Meðfædd þvermóðska, réttlætiskennd og jafnaðarmennska veldur því að ég tel það skyldu mína að fjalla um það sem betur má fara í þjóðfélaginu, einhverjir verði að þora til að kalla á breytingar til hins betra. Við þurfum síðan stuðning og hvatningu við góðan málstað til að halda því áfram.

Æ fleiri bloggarar handteknir

Ekki grúpía - Bara óseðjandi lyst á smáfríðum rokksöngvurum

Það er líklega að verða síðustu forvöð fyrir Bebe Buell að stroka það út núna að vera samheiti fyrir grúpíur þessa heims. Hún er jú að verða of gömul og krumpuð fyrir þetta hlutverk.

Upptalningin á öllum þeim smáfríðu kórdrengjum sem hún hefur átt vingott við bendir líka eindregið til þess að þetta hafi verið með eindæmum hlédræg og einangruð kona með sérstök samskiptavandamál við karlmenn.

Ekki grúppíubarn

Af hverju hljóp sýslumaðurinn upp í Ingólfsfjall í jarðskjálftanum?

Ólafur Helgi Kjartansson er sýslumaður og landsþekktur rokkaðdáandi sem bjargaðist naumlega úr eigin skrifstofu á Selfossi og hljóp út á götu. Hann taldi sig lánsaman að hafa sloppið frá stórskaða úr hamförunum.

Þegar hann kom út á götuna mætti hann enskum ferðamanni sem benti upp á Ingólfsfjall og sagði "Look mister, rolling stones!"

Og þar með var hann rokinn beina leið upp í fjallið! 

Stefna skagamenn í að verða BROKEN HEARTS?

Mér sýnist að yfirlætisleg yfirlýsing Gísla Gíslasonar framkvæmdastjóra rekstrarfélags ÍA í gær hafi verið ótímabær hjá honum. A.m.k. ef tekið er mið af sjónvarpsviðtali við Guðjón er hann farinn ef staðan býðst.

Guðjón er ólíkindatól og hefur ekki sýnt mikið trygglyndi í gegnum tíðina ef grasið er grænna hinum megin við girðinguna. Gísli, sem og skagamenn, eru greinilega að treysta á ótraustan starfskraft og gætu þess vegna sjálfir orðið Broken Hearts.

Guðjón sagður líklegastur hjá Hearts