Þjóðin kaus ekki um aðild að ESB í síðustu kosningum

Það er alveg á hreinu að þjóðin kaus ekki þessa þingmenn til að sækja um aðild að ESB. Það er gróf túlkun Samfylkingarinnar á því hvað 29% fylgið þeirra þýddi fyrir þjóðina.

Landráð er heitið á þessum verknaði hvað svo sem hver segir. Það er sorglegt að fólk sjái ekki í gegnum þann áróður sem hér er á ferðinni.

Stór hluti fólks vill sjá hvað er í boði. Með öðrum orðum ef nógu hátt verð er í boði þá er Ísland til sölu eins og hver önnur auðlindahóra. Þetta fólk skammast sín ekki fyrir svona vændishugsun.

Lítið um rök fyrir umsókn

Athugasemdir

[Eggert Vébjörnsson (IP-tala skráð) 14.5.2009 kl. 22:43]

Haukur.

Ég er mótfallinn inngöngu í ESB. Svo einfalt er það og hef ég ýmiskonar rök fyrir því.

Hinsvegar er afstaða margra ESB andstæðinga hláleg og nánast lítilsvirðing gagnvart öðru fólki þar sem lagst er í skotgrafarhernað og öll umræða sem slík um ESB mál nánast skilgreind sem landráð.

Þetta er hugsunarvillar því það að ræða málin og finna rök með og á móti er einn af höfuðkostum þess að búa í frjálsu samfélagi. Það eitt að setjast að samningaborði og sjá hvaða fletir eru á málinu er ekki vændi og vonandi að íslendingar verði svo upplýstir þegar að því kemur að þeir felli aðildarumsókn að ESB í þjóðaratkvæðagreiðslu.

Enda held ég að ESB hafi ekkert að bjóða þegar að því kemur og þá sjá landsmenn og jafnvel núverandi ESB sinnar að okkur sé betur borgið utan Evrópusambandsins.

En leyfum málinu allavegana að þróast um stund. Svona er að búa í lýðræðisþjóðfélagi.

[Óskar Þorkelsson, 14.5.2009 kl. 22:51]

Ég er á móti því að vera á móti því að athuga hvað er í boði

[Gunnar Ásgeir Gunnarsson, 15.5.2009 kl. 00:22]

Í mínum huga er þetta annaðhvort yfirgengileg heimska eða þeir sem vita betur og vilja þarna inn, þá er það landráð

[Sigurjón, 15.5.2009 kl. 03:57]

Það er nú nokkuð ljóst hvað er í boði.  Stefna og stjórn ESB er ekki eitthvað leyndarmál sem er aðeins afhjúpað tilvonandi aðildarríkjum.  Við munum ekki fá neinar undanþágur frá stefnu eða lögum sambandsins.  Það hefur meira að segja Olli Rehn sagt og honum er mikið í mun að skúbba okkur inn.  Undanþáguleysið veldur því að þetta er tómt mál að tala um.

Ég vona bara að ESB muni liðast í sundur áður en við höfum þá ógæfu til að ganga þar inn...

[Óskar Þorkelsson, 15.5.2009 kl. 09:10]

..við hefðum aldrei átt að leggja helvítis símalínuna um suðurland..