Ætlar nýja stjórnin að byrja í algeru hugleysi?

Mikið rosalega hlýtur að vera gaman að vera hugsjónastjórnmálamaður í VG eða Samfylkingunni þegar svona ákvarðanir eru teknar.

Kvótakerfi Halldórs Ásgrímssonar er pikkfast þrátt fyrir að 90% þjóðarinnar viðurkenni að það sé ranglátt og sértækt í hagsmunagæslu hinna fáu. Sameign þjóðarinnar er ennþá föst í gíslingu kvótagreifanna sem hafa misnotað þetta áratugum saman.

Stjórnin sem nú er í burðarliðnum ætlar að starfa í verstu tegund af blöndu málamiðlanna, hugleysi og það sem er verst: aðgerðarleysi. Ástæðan er sú að engin samstaða næst um að taka STÓRAR ákvarðanir vegna STÓRKOSTLEGS hruns heldur er alltaf valinn minnsti samnefnarinn sem hinir huglausustu þora að samþykkja og þess vegna mun þessi stjórn ekki verða hvorki fugl né fiskur.

Kvótakerfi ekki umbylt

Athugasemdir

[Haukur Nikulásson, 6.5.2009 kl. 07:45]

Aldrei þessu vant felli ég niður athugasemd og hún er frá Marteini Unnari Hreiðarssyni. Hún er einfaldlega afrit af grein Michael Hudson og er hér. Þetta getur því ekki talist athugasemd þótt ég sé efnislega ekkert endilega ósammála því sem þar kemur fram.

[Ingvar Valgeirsson, 6.5.2009 kl. 12:50]

Ég er reyndar feginn að þeir ætla ekki að breyta kvótakerfinu, vegna þess að ég treysti akkúrat þessum flokkum hreinlga ekki til þess. Það er gríðarlega viðkvæmt mál og gæti hæglega gengið frá sumum (að því mér sýnist aðallega minni) fiskvinnslufyrirtækjum ef illa er að staðið.

En ég held að þetta verði ekki í síðasta skiptið sem flokkarnir gangi á bak orða sinna.

[Haukur Nikulásson, 6.5.2009 kl. 18:19]

Jóhanna hefur gefið fyrirheit um fyrningarleið. Það er í rétta átt.