Borgarahreyfingin efst á blaði hjá mér núna

Mér sýnist að þessa daga í kringum kosningarnar séu hvert spillingar- og hneykslismálið á fætur öðru að koma upp á yfirborðið. Við erum rétt búin að fá að sjá örlítið brot af styrkjum og mútum til íhaldsins, fáum smjörþefinn af styrkjum til Samfylkingarinnar en eigum þó eftir að sjá hvað ESB hefur látið þá hafa beint og óbeint fyrir landráðatilraunina. Þeir eru með marga íslendinga á fullum launum í áróðursstarfi eins og t.d. Eirík Bergmann sem hafa það markmið að koma Íslandi undir erlend yfirráð.

VG áttu séns hjá mér þangað til þeir leyfðu sér það að hafa efasemdir um að reyna olíuvinnslu á Drekasvæðinu. Þú getur ekki kosið flokk sem þú efast um að hafir þjóðarhag að leiðarljósi. Öfgafemínisma og umhverfishelgislepju var mögulegt að fyrirgefa en ekki árás á eina af fáum vonum okkar til bættra kjara.

Það liggur fyrir að íhaldið, Samfylkingin og Framsóknarflokkurinn verða að bera sína ábyrgð á hruninu og fá hvíld frá landsstjórninni enda að mestu ráðalaus frammi fyrir okkar stórkostlegu vandamálum.

Ég mun því líklega drattast á morgun til að kjósa Borgarahreyfinguna þó ég hafi í raun megnustu óbeit af því að kjósa fólk á þing sem lítur á sig sem einnota stjórnmálamenn.

Sögulegar kosningar

Athugasemdir

[hilmar jónsson, 24.4.2009 kl. 17:18]

Svona enga vitleysu. Eina raunhæfa mótvægið við spillingu undanfarina ára er vg.

[Sigurjón, 24.4.2009 kl. 18:03]

Betra er að kjósa fólk á þing sem er ,,einnota" og hefur ekki hagsmuna að gæta, en að kjósa ,,margnota" sem hafa ítök í viðskipta- og atvinnulífið og nota hvert tækifæri til að skara eld að sinni köku.

Ég óttast ekki að Borgarahreyfingin muni bregðast trausti þeirra sem hana kjósa, því þetta er bara venjulegt fólk úti í bæ sem er mun líklegra til að vinna að heilindum fyrir hinn almenna borgara heldur en frambjóðendur gömlu, ljótu flokkanna.

Ég hikaði ekki við að merkja x-ið við o-ið.

[Hjálmtýr V Heiðdal, 24.4.2009 kl. 18:13]

Assgoti er þetta erfitt hjá þér Haukur. Ég setti kúrsinn á ESB fyrir mörgum árum og kýs skv. því. Nó próblem.

Þú getur ekki leyft þér að vera að dylgja um ESB styrki til Samfylkingarinnar. Það er fyrir neðan þína virðulegu virðingu.

Eiríkur Bergmann var eitt sinn starfsmaður ESB í Osló en nú er hann kennari. Ekkert svona bull gamli vinur.

[Haukur Nikulásson, 24.4.2009 kl. 19:40]

Týri, Háskólinn á Bifröst fær stuðning frá a.m.k. einni undirstofnun ESB til að borga launin hans. Hún er hér. Þú getur líka lesið þér til um raunverulegan tilgang þessarar lítt duldu áróðursstofnunar hér.  Þessar upplýsingar eru fundnar af vef háskólans við Bifröst. Ég hef enga trú á því að háskólinn á Bifröst myndi halda þessum landráðaáróðri úti ókeypis.

Það hefur komið í ljós að undanförnu að frambjóðendur Samfylkingarinnar eru líka að þiggja styrki eins og íhaldið. Við höfum bara rétt fengið að kíkja í styrkjabuddurunar hjá því fólki. 

Týri, það er langt í frá að ég bulli. Það er meira en rökstuddur grunur um að tekið sé við vafasömu fjármagni. Samfylkingin er þegar byrjuð að játa. Ég vil fá allt dæmið, en það er borin von fyrir að það gerist fyrir kosningarnar núna.

[Haukur Nikulásson, 24.4.2009 kl. 19:44]

Týri, mér finnst það álíka trúverðugt að fjárhagslegt heilbrigðis- og heiðarleikavottorð þitt fyrir Samfylkinguna sé jafn gott og stuðningsmenn íhaldsins hefðu gefið Geir Hilmar Haarde áður en hann játaði að hafa þegið ofurstyrki.